बाँदरको ग्याङ फाइट हुँदा थाइल्यान्डमा ट्राफिक जाम

काठमाडौं- थाइल्यान्डमा बाँदरको ग्याङ फाइट परेको भिडियो सार्वजनिक भएको छ। लकडाउनको बेला भोकाएका बाँदरहरू मुख्य सडकमा जम्मा हुँदा एकआपसमा ग्याङ फाइट परेको हो। 

यो घटना थाइल्याण्डको चर्चित पर्यटकीय क्षेत्र लोपबुरीको रहेको बताइएको छ। यस ‘ग्याङ फाइट’ का दौरान बाँदरहरूको आवाज निकै ठूलो आएको थियो। जसले मानिसहरू डराएर गाडीभित्र नै लुकेका थिए।

यो सहर बुद्धको प्राचिन मन्दिरहरूका लागि चर्चित छ। सडकमा सयौ बाँदरहरुको भीडजम्मा भएपछि ट्राफिक जाम भएको थियो। 

सयौ संख्यामा रहेका बादरको फाइट १ घण्टाभदा बढी समय चलेको थियो।

बाँदरको लडाई परिरहेको भिडियो बनाएका हुन खुन इतिफाटले। उनी घरको तेस्रो तलामा सफाई गरिरहँदा बाँदरको कोलाहल सुनेका थिए। उनले पछि बाँदरहरूको लडाईको फोटो भिडियो खिचेका हुन्। एजेन्सी