काठमाडौं - राष्ट्रिय प्रजातन्त्र पार्टीले २२ बुँदे माग राख्दै मंगलबार प्रधानमन्त्री केपी शर्मा ओलीलाई ज्ञापनपत्र बुझाएको छ। अध्यक्ष कमल थापा नेतृत्वको पार्टीको प्रतिनिधि मण्डलले प्रधानमन्त्री निवास बालुवाटारमा मागपत्र बुझाएको हो।
राजसंस्थासहित सबै राजनीतिक शक्तिहरु अटाउने गरी गोलमेच सम्मेलन गर्नुपर्ने, ०४७ साल यता नियुक्त भएका उच्च पदस्थ ब्यक्तिहरुको सम्पनि छानवीन गर्नुपर्ने, हिन्दु राष्ट्र कायम गर्नुपर्ने लगायत २२ बुँदे माग सो पार्टीले अगाडि सारेको छ। ‘राजसंस्थासहित सबै राजनीतिक शक्तिहरु अटाउने नेपाली संस्करणको मौलिक प्रजातन्त्र कायम गर्न अविलम्व सर्वपक्षीय गोलमेच सम्मेलन गर्नुपर्ने माग राप्रपाको छ।
राप्रपाले प्रधानमन्त्रीलाई बुझाएका माग पुरा गर्न फागुन मसान्त सम्मको अल्टिमेटम दिएको छ। सो समय भित्र माग पुरा नभए चैतबाट अनिश्चतकालीन संघर्ष गर्ने राप्रपाको चेतावनी छ।
प्रकाशित: Dec 31, 2017| 18:23 आइतबार, पुस १६, २०७४