धनगढी- तेस्रो संस्करणको धनगढी प्रिमियर लिग (डीपीएल) टी-२० क्रिकेट प्रतियोगितामा पहिलो दिन अर्थात आज (सोमबार) दुई खल हुँदै छन् । आजै हुने पहिलो खेलमा काठमाडौ गोल्डेन्स र घरेलु टोली धनगढी स्टार्स भिभड्दै छन् ।
खेल बिहान ९ बजे फाप्ला क्रिकेट मैदानमा सुरु हुनेछ । काठमाडौंको नेतृत्व ज्ञानेन्द्र मल्लले गर्ने छन् भने स्टार्सको नेतृत्व सोमपाल कामीले गर्नेछन् । यस्तै आजै हुने दोश्रो खेलमा रुपन्देही च्यलेञ्जर्स र महेन्द्रनगर युनाइटेडबीच प्रतिस्पर्धा हुने छ । खेल दिउँसो १ बजे सुरु हुने छ ।
रुपन्देही च्यलेञ्जर्सका कप्तान बसन्त रेग्मी हुन् भने महेन्द्रनगर युनाइटेडका कप्तान शरद भेषवाकरले गरेका छन् । यसअघि प्रतियोगिताका खेलहरु माघ २६ बाट सुरु हुने भनिएका पनि बर्षका कारण खेल दुई पछि सरेको थियो । प्रतियोगितामा ६ टिमले सहभागिता जनाउने छन् ।
प्रकाशित: Dec 31, 2017| 18:23 आइतबार, पुस १६, २०७४