एजेन्सी- फ्रेन्च लिग वान क्लब पेरिस सेन्ट जर्मन (पीएसजी)ले भिल्लीफ्रान्चेलाई पराजित गर्दै फ्रेन्च कपको क्वाटरफाइनलमा पुगेको छ । बुधबार राति भएको खेलमा तेस्रो डिभिजनको क्लब भिल्लीफ्रान्चेलाई ३-० ले पराजित गर्दै पिएसजी क्वाटरफाइनलमा प्रवेश गरेको हो ।
तेस्रो डिभिजनको क्लबलाई पराजित गर्न पिएसजीले खेलको अतिरिक्त समय सम्म संघर्ष गर्नु पर्यो । निर्धारित ९० मिनेटको खेलमा दुबै टोलीबाट कुनै गोल हुन नसके पछि खेलमा अतिरिक्त समयको थप गरिएको थियो । जसमा पिएसजी हावी हुँदै तीन गोल गर्यो ।
अतिरिक्त समयमा पिएसजीको जितका लागि जुलियन ड्रेक्सलर, मोउसा डियावी र एडिन्सन काभानीले एक एक गोल गरे । अतिरिक्त समयको १०२औं मिनेटमा जुलियन ड्रेक्सलरले गोल गर्दै पीएसजीलाई सुरुवाती अग्रता दिलाए ।
त्यस्तै ११३औं मिनेटमा केलियन एमबाप्पेको पासमा मोउसा डियावीले गोल गर्दै पीएसजीे अग्रता दोब्बर पारे । ११९औं मिनेटमा एमबाप्पेकै पासमा काभानीले गोल गर्दै पीएसजीलाई ३-० को जित दिलाए ।
प्रकाशित: Dec 31, 2017| 18:23 आइतबार, पुस १६, २०७४