राणा  र लोहनी नेतृत्वको राप्रपाबीच एकता हस्ताक्षर आज

काठमाडौं – पशुपतिशम्सेर राणा नेतृत्वको राप्रपा प्रजातान्त्रिक र डा प्रकाशचन्द्र लोहनी नेतृत्वको राप्रपा राष्ट्रवाबदीबीच पार्टी एकीकरण हुने भएको छ। ती दूबै पार्टीका अध्यक्षले आज १२ बजे एकता हस्ताक्षर गर्ने छन्।

राप्रपा प्रजातान्त्रीका महामन्त्री राजाराम श्रेष्ठले नेपाल समयलाई दिएको जानकारी अनुसार बिहिबार दिउँसो १२ बजे राप्रपा प्रजातान्त्रीकको पार्टी कार्यालय चावहिलमा दुबै पार्टीको केन्द्रीय पदाधिकारीको संयुक्त बैठक बस्ने र सोही बैठकमा दुबै अध्यक्षले पार्टी एकतामा हस्ताक्षर गर्ने छन्।

दुई पार्टीका शीर्ष नेतृत्वबीच लगातारको छलफलपछि पार्टी एकताको टुंगो लागेको हो। एकीकरणमा सहमतिका लागि हस्ताक्षर गर्नका लागि मंगलबार अबेरसम्म दूबै दलका नेताहरुबिच छलफल भएको थियो। एकीकृत नयाँं पार्टीमा  दुई अध्यक्ष हुने सहमति यस अघिनै भइसकेको छ।