नेविसंघद्वारा प्रधानमन्त्रीको पुत्ला दहन

काठमाडौं – नेपाली कांग्रेसको भातृ संगठन नेपाल विद्यार्थी संघले चावहिलको पशुपति क्याम्पस अगाडि प्रधान मन्त्री केपी शर्मा ओलीको पुत्ला दहन गरेको छ।

सरकारले गरेको चिकित्सा शिक्षा विधेयकको विरोधमा आइतबार बिहान देशभरका क्याम्पस अगाडि दुई घण्टा चक्का जाम गरेको नेविसंघले पशुपति क्याम्पस अगाडि प्रधानमन्त्रीको पुत्ला दहन गरेको हो।



नारावाजी गर्दै नेविसंघका काठमाडौं जिल्ला सभापति मनोज बैध नेतृत्वको टोलीले पुत्ला दहन गरेको हो। पुत्ला दहनका क्रममा प्रहरी र विद्यार्थीबिच सामान्य धडपकड भएको छ।
 
सरकारले जवरजस्ती संसदबाट चिकित्सा शिक्षा विधेयक पारित गरेको भन्दै नेविसंघ आन्दोलित बनेको हो।