काठमाडौं- मंगलबारदेखि मौसममा अकस्मात देखिएको फेरबदलका कारण शुक्रबार रातिदेखि नै पानी परेको छ ।
काठमाडौं उपत्यकासहित देशका अधिकांश भागमा शनिबार बिहान पनि वर्षा भइरहेको छ । शनिबार दिनभर जसो पानी पर्ने मौसम पूर्वानुमान महाशाखाले जनाएको छ । पश्चिमी वायुको प्रभावले शनिबार देशभरी कै मौसम बदली भई धेरै ठाउँमा पानी पर्ने मौसमविद् राजु प्रधानाङ्गले जानकारी दिए ।
उनका अनुसार शनिबार केहीबेर मौसम खुलेपनि फेरि बदली भई पानी पर्नेछ । बुधबार पनि देशका विभिन्न ठाउँमा पानी परेको थियो । पानी परेसँगै उच्चपहाडी तथा हिमाली क्षेत्रमा हिमपात भएको छ। काठमाडौं आसपासका क्षेत्रमा पनि हिउँ परेको छ । चन्द्रागिरी, शिवपुरी, फूल्चोकी लगायतका क्षेत्रमा हिउँ परेको हो ।
यस्तो हुनेछ अबको तीन दिनको मौसममाघ १२ गते (शनिबार )दिउँसो: देशको अधिकांश स्थानहरुमा आंशिक देखि सामान्य बदलि रहनेछ | पूर्वी तथा मध्य क्षेत्रका केहि स्थानहरुमा र पश्चिम क्षेत्रका थोरै स्थानहरुमा हल्का वर्षाको संभावना छ | देशको हिमाली भेगका केहि स्थानहरुमा हल्का हिमपात हुने संभावना छ ।
राति: देशको अधिकांश स्थानहरुमा आंशिक देखि सामान्य बदली रहनेछ | मध्य तथा पूर्वी क्षेत्रका थोरै स्थानहरुमा र पश्चिमी क्षेत्रका एक वा दुई स्थानमा हल्का वर्षाको संभावना छ ।
माघ १३ गते (आइतबार )दिउँसो: देशका पहाडी भेगहरुमा आंशिक देखि सामान्य बदली र बाँकि स्थानहरुमा मौसम सामान्यतया सफा रहनेछ | देशका पहाडी भेगका थोरै स्थानहरुमा हल्का वर्षाको संभावना छ |
रातिः देशको पश्चीमी भुभागमा सामान्य बदली र बाँकी भुभागमा आंशिक बदली हुनेछ | पश्चिमी क्षेत्रका थोरै स्थानमा हल्का वर्षाको संभावना छ ।
माघ १४ गते (सोमबार)दिउँसो: देशका पहाडी भेगहरुमा आंशिक बदली र बाँकि स्थानहरुमा मौसम सामान्यतया सफा रहनेछ | देशका पश्चिमी पहाडी भेगका थोरै स्थानहरुमा हल्का वर्षाको संभावना छ |
रातिः देशभर मौसम सामान्यतया सफा रहनेछ |
प्रकाशित: Dec 31, 2017| 18:23 आइतबार, पुस १६, २०७४