काठमाडौं- सहिद स्मारक ‘ए’ डिभिजन लिग अन्तर्गत मंगलबार भएको लिगको अन्तीम खेलमा लिग विजेता मनाङ मस्र्याङ्दी क्लब पराजित भएको छ । एन्फा कम्प्लेक्समा भएको खेलमा मनाङ फ्रेन्डस क्लबसँग १-० ले पराजित भएको हो ।
लिग अवधिभर कुनै खेल नगुमाएको मनाङलको अपराजित यात्रा फ्रेन्डसले टुङ्गाएको थियो । लिगको यस अन्तीम खेलसँगै ए डिभिजन लिगको समापन भएको छ । लिगको विधागत अवार्डमा भने मनाङकै वर्चस्व रह्यो ।
विधागत अवार्डअन्तर्गत उत्कृष्ट गोलरक्षकमा मनाङ विशाल श्रेष्ठ, उत्कृष्ट मिडफिल्डरमा मनाङकै हेमन गुरुङ, उत्कृष्ट प्रशिक्षक मनाङकै सुमन श्रेष्ठले हात पारेका छन् ।
त्यस्तै उत्कृष्ट डिफेन्डरमा थ्री स्टारका रञ्जित धिमाल, उत्कृष्ट फरवार्डमा आर्मीका भरत खवास र फेयर प्ले उपाधि ब्रिगेड ब्वाइज क्लबले जितेको छ । लिग विजेता मनाङले ५० लाख प्राप्त गर्दा दोस्रो भएको संकटाले ३५ लाख प्राप्त गरेको छ ।
त्यस्तै तेस्रो भएको थ्री स्टार २५ लाख, चौथो भएको आर्मीले १५ लाख, पाँचौ भएको एपीएफले ७ लाख र छैटौँ भएको पुलिसले ५ लाख प्राप्त गरे ।
प्रकाशित: Dec 31, 2017| 18:23 आइतबार, पुस १६, २०७४