एजेन्सी- नेपाली राष्ट्रिय टोलीका लेगब्रेक स्पिनर सन्दीप लामिछानेले आफुले राम्रो प्रर्दशन गरे मात्र अन्य नेपाली खेलाडीका लागि विदेशी लिगहरुमा बाटो खुल्ने बताएका छन् ।
हाल अष्ट्रेलियाको प्रमुख टी-२० क्रिकेट लिग बिग ब्यास खेली रहेका सन्दीपले आफ्नो राम्रो प्रदर्शनले नेपालमा रहेका अन्य प्रतीभाशाली खेलाडीको लागि विदेशी बाटो खुल्ने बताएका हुन् ।
सिड्नीविरुद्धको खेल पश्चात सन्दीपले अन्तरवार्तामा हासिलो मुद्रामा बोल्दै भने, ‘नेपालमा म जस्ता थुप्रै खेलाडी छन् । मैले ईपीएल देखी विग ब्यास सम्म खेले । तर ती खेलाडीहरुले मौका पाएका छैनन् ।
मैले राम्रो प्रर्दशन गर्न सके ती खेलाडीहरुको पनि विदेशी लिग खेल्न बाटो खुल्ने छ ।’ उनले आफ्नो खेल हेर्न सिड्नी आएका सम्पूर्ण नेपाली दर्शकलाई पनि धन्यावाद दिएका थिए ।
जारी बिग ब्यासमा उनले तीन खेल खेल्दै ७ विकेट लिएका छन् । जो लिगको सर्वाधिक विकेक कर्ता हुन् । डेब्यु खेलमा दुई विकेट लिएका सन्दीपले दोस्रो खेलमा तीन विकेट लिएका थिए ।
आफ्नो तेस्रो खेलमा सिड्नी सिक्सर्सविरुद्ध ४ ओभरमा मात्र १८ रन खर्चेर २ विकेट लिएपछि सन्दीपले जारी लिगमा ७ विकेट पुर्याएका हुन ।
प्रकाशित: Dec 31, 2017| 18:23 आइतबार, पुस १६, २०७४