एजेन्सी- अर्जेनिटना तथा बार्सिलोना स्टार खेलाडी लियोनल मेस्सीले आफ्नो फुटबल विजनको पाँचौ गोल्डेन बुट अवार्ड जितेका छन् । उनले गत सिजनको लिगमा युरोपको सर्वाधिक गोल गर्दै बन्दै गोल्डेन बुट अवार्ड जितेका हुन् ।
मेस्सीले गत सिजनको ला लिगमा ३४ गोल गरेका थिए । यस उपाधिसँगै मेस्सीले पोर्चुगिज तथा युभेन्टसका स्टार खेलाडी क्रिस्टियानो रोनाल्डो लाई पनि उछिनेका छन् । किनकी यो अवार्ड रोनाल्डोले हालसम्म चार पटक मात्र जितेका छन् ।
‘मैले सुरुवातमा यो सबसोचेको थिईन । मेरो सपना एक व्यवसायिक फुटबल खेलाडी बन्ने थियो । सफलता हात पार्न सक्छु भन्ने विश्वास थियो, तर यहाँसम्म होइन,’ मेसीले मंगलबार एक कार्यक्रममा उपाधि ग्रहण गर्दै भनेका थिए ।
उनले थपे, ‘म विश्वकै सर्वोत्कृष्ट टोलीमा रहेको छु । मसँग विश्वका उत्कृष्ट खेलाडी साथमा खेलिरहेका छन् । यसले गर्दा नै मैले व्यक्तिगत उपाधि सहज रुपमा जित्न सकेको छु ।’
प्रकाशित: Dec 31, 2017| 18:23 आइतबार, पुस १६, २०७४