वीरगंज- पर्साको सखुवाप्रसौनी गाउँपालिका-४ सोलकपुरस्थित चामल मिलमा शनिबार बिहान आगलागी भएको छ।
विद्युत सर्टसर्किट भएर स्थानिय ग्यासुदिन मियाँको मिलमा आगलागी भएको हो।
आगलगीमा धान कुट्ने मेसिन, दमकल, धान,ब्रान, मोटर र नगद ७० हजार सहित करिब ९ लाख ५२ हजार रुपैयाँ बराबरको क्षति भएको पीडितलाई उद्घृत गर्दै प्रहरीले जानकारी दिएको छ।
स्थानीय र प्रहरीको सहयोगमा आगो नियन्त्रणमा लिइएको महुवन प्रहरी चौकीका प्रहरी सहायक निरिक्षक जिवछ कुमार शर्माले जानकारी दिएका छन् ।
प्रकाशित: Dec 31, 2017| 18:23 आइतबार, पुस १६, २०७४