'राष्ट्रपति' कहाँ फोटो खिच्ने पत्रकार वर्षा समातिइन्

काठमाडौं- राष्ट्रपति कार्यालय शितल निवासमा फोटो खिचिरहेको फोटो पत्रकार वर्षा शाहलार्इ पक्राउ गरिएको छ। 

देश सञ्चारकी फोटो पत्रकार शाहलाई समाचार संकलनका क्रममा राष्ट्रपति कार्यालयबाट बिहीबार अपराह्न प्रहरीले पक्राउ गरेको छ।

प्रेस पास झुण्ड्याएर तस्बिर खिचिरहेको बेला शाहलाई प्रहरीले नियन्त्रणमा लिएको हो। सर्वसाधारणसँग एक-एक रुपैयाँ उठाएर राष्ट्रपतिलाई प्रतीकात्मक रुपमा गाडी पुर्‍याउन पुगेको समूहको फोटो खिच्दै गर्दा उनलाई नियन्त्रणमा लिइएको हो।

शाहलाई पक्राउ गरेर महाराजगञ्ज प्रहरीको हिरासतमा राखिएको छ।