एजेन्सी- युइएफए च्याम्पियनस लिगमा टोटेनहम हट्स्परले बार्सिलोनालाई बराबरीमा रोक्दै लिगको दोस्रो चरणमा प्रवेश गरेको छ । मंगलबार राति बार्सिलोनाको घरेलु मैदानमा भएको खेलमा १-१ को बराबरीमा रोक्दै लिगमा दोस्रो चरणको यात्रा तय गरेको हो ।
समूहको अर्को खेलमा इन्टर मिलान र पीएसभीले पनि समान १-१ को बराबरी खेलेपछि टोटेनहम दोस्रो चरणमा पुगेको छ । पहिलो हाफमा बार्सिलोनाले लिएको अग्रता जोगाउन नसक्दा बार्सा अंक बाढ्न बाध्य भएको हो ।
खेलको ७ औं मिनेटमा बार्सिलोनाले ओस्मान डेम्बेले गोल मार्फत खेलमा अग्रता लिएको थियो । निकै नै आक्रमक खेल्दै टोटेनहमले बार्सिलोनाको डिफेन्सलाई समस्यामा पारेका थिए ।
तर, पनि टोटनहामले पहिला हाफमा बराबरी गोल फर्काउन सकेन । खेलको ८५ औं मिनेटमा केनको क्रसमा मोउराले गोल गर्दै टोटेनहमलाई दोस्रो चरणमा पुग्ने आशा जगाए । बार्सिलोनाले यस नतिजासँग च्यान्म्पियन्स लिगमा घरेलु मैदानमा अपराजित यात्रालाई २९ खेलसम लम्ब्याएको छ ।
पछिल्लो २९ खेलमा बार्सिलोनाले २६ जित र ३ बराबरी खेलेको छ । यो कीर्तिमान सन् २००२ अप्रिलमा बायर्नले कायम गरेको थियो । टोटेनहम भने च्याम्पियन्स लिगमा चार पटक खेल्दा तेस्रो पटक अन्तिम १६ मा प्रवेश गर्न सफल भएको छ ।
समूहबाट बार्सिलोना समूह विजेता र टोटेनहम समूह उपविजेताको रुपमा अर्को चरण प्रवेश गरे ।
प्रकाशित: Dec 31, 2017| 18:23 आइतबार, पुस १६, २०७४