फाइल तस्बिर
काठमाडौं- एभरेष्ट प्रिमियर लिग (इपीएल) टी-२० क्रिकेटमा पोखरा राइनोज ललितपुर प्याट्रियट्सलाई जितका लागि १ सय ६७ रनको लक्ष्य सुम्पेको छ ।
त्रिवि क्रिकेट मैदानमा टस जितेर पहिले ब्याटिङ गर्ने निर्णय गरेको पोखराले निर्धारित २० ओभरको खेलमा मात्र चार विकेट गुमाउदै १ सय ६६ रन बनाएको हो ।
पोखराका लागि रिचार्ड लेभीले सर्वाधिक ८४ रन जोडे । उनले बिस्फोटक ब्याटिङ गर्दै मात्र ३९ बलमा ८४ रन जोडेका थिए । उनले तीन चौका र ९ छक्का प्रहार गरेका थिए । त्यस्तै बिनोद भण्डारीले ३४ रन जोडे ।
उनले तीन चौका र १ छक्का प्रहार गर्दै ३४ रन जोडेका हुन् । कोट्जरले १९, पउल कग्लिनले १४ र सुनिल धमलाले १० रन जोडे । ललितपुरका लागि पवन सराफले तीन विकेट लिए । उनले ४ ओभर गर्दै मात्र ३१ रन खर्चेर तीन विकेट लिएका थिए ।
प्रकाशित: Dec 31, 2017| 18:23 आइतबार, पुस १६, २०७४