वीरगंज- वीरगंज महानगरपालिका–३१ बेलवामा माहुरीको टोकाइबाट शुक्रबार साँझ एक बालकको मृत्यु भएको छ। दुईजना गम्भीर घाइते भएका छन् ।
घरको छेउमा खेलिरहेको बेला माहुरीको टोकाइबाट बेलवा निवासी हसमुद्दीन अन्सारीका ५ वर्षीय छोरा सहाबुद्दीन अन्सारीको उपचारको लागी वीरगंज हेल्थकेयरमा ल्याउने क्रममा बाटोमा मृत्यु भएको प्रहरीले जानकारी दिएको छ।
घाइते स्थानीय १ वर्षिय बालक सैफुल अन्सारी र १९ वर्षिया सन्जु खातुनको उपचार भइरहेको वीरगंज हेल्थकेयरले जानकारी दिएको छ।
प्रकाशित: Dec 31, 2017| 18:23 आइतबार, पुस १६, २०७४