फाइल तस्बिर
काठमाडौं- पल्सर सहिद स्मारक ‘ए’ डिभिजन लिगमा आज (मंगलबार)बाट छैठौ चरणका खेल सुरु हुदै छन् । मंगलबार हुने पहिलो खेलमा विभागीय टिम एपीएफ र एनआरटीबीच प्रतिस्पर्धा हुदैछ भने दोस्रो खेलमा अर्को विभागीय टिम नेपाल पुलिस क्लब र सिएमजी संकटा क्लबबीच प्रतिस्पर्धा हुँदैछ ।
सातदोबाटोस्थित एन्फा कम्प्लेक्समा हुने खेलमा पहिलो खेल बिहान ११ बजेबाट सुरु हुनेछ भने दोस्रो खेल दिउासो २:३० बाट सुरु हुने छ । जित विहिन एनआरटी र एक मात्र जित निकालेको एपिएफको लक्ष्य जित निकाल्दै अंक तालिकामा सुधार गर्नु हुनेछ ।
लिगको पहिलो खेलमा एनआरटीले विभागीय टिम आर्मीलाई बराबरीमा रोक्दै उत्कृष्ट सुरुवात गरेपनि त्यसलाई राम्रो खेल्न सकेको छैन् । यता, विभागीय टोली एपीएफले आफ्नो स्वभाविक लय देखाउन सकेको छैन ।
लिगमा १ अंक जोडेको एनआरटी तालिकाको पुछारमा छ । एपीएफ ४ अंक सहित ११ औँ स्थानमा रहेको छ ।
आजै हुने अर्को खेलमा पुलिस र संकटाविरुद्व मैदान उत्रदै गर्दा नेपाल पुलिस क्लबले दुई खेलाडी गुमाउने छ । उसका स्ट्राइकर सुमन लामा र मिडफिल्डर हेम तामाङ घाइते रहेका छन् ।
तर भरपर्दा कप्तान तथा मिडफिल्डर भोला सिलवाल फर्ममा देखिनु पुलिसका लागि फाइदाजनक हो । पुलिस ३ खेलमा जित, एक हार र एक बराबरीको नतिजामा छ । संकटा एक खेलमा पराजित हुँदा ४ खेलमा जित निकालेको छ ।
प्रकाशित: Dec 31, 2017| 18:23 आइतबार, पुस १६, २०७४