काठमाडौं – राजधानीको बुद्धनगरस्थित बुद्धनगर प्रहरी प्रभागसँगै जोडिएको चाईनिज फर्निचरमा भिषण आगलागी भएको छ। सोमबार मध्यान्ह फर्निचरमा लागेको आगो नियन्त्रणमा लिएको छ।
नयाँ बानेश्वर प्रहरी वृतका प्रमुख गोबिन्दराज काफ्लेका अनुसार आगो नियन्त्रणमा लिन बुद्धनगर क्षेत्रमा विद्युत आपूर्ति बन्द गरिएको थियो।
आगो निभाउनका लागि काठमाडौँ र ललितपुर महानगरपालिका, नेपाल प्रहरी, शसस्त्र प्रहरी र भक्तपुरका गरी १० वटा दमकल प्रयोग गरिएको कामपा जुद्ध बारुण यन्त्र शाखा प्रमुख बद्री नगरकोटीले जानकारी दिए।
आगलागी भएको स्थान वरपरका घरमा समेत आगो फैलन सक्ने भएकाले उच्च सतर्कताकासाथ आगो नियन्त्रणको प्रयास भइरहेको काफ्लेले बताए। आगलागीको कारण अहिलेसम्म खुल्न सकेको छैन ।
उपरीक्षक काफ्लेका अनुसार घटनामा मानवीय क्षति नभएपनि विस्तृत विवरण आउन बाँकी छ।
प्रकाशित: Dec 31, 2017| 18:23 आइतबार, पुस १६, २०७४