काठमाडौं – नेपाली चेली वन्दना नेपाल यतिबेला ‘गिनिज बुक अफ वल्र्ड रेकर्ड’ का लागि नृत्य गरिरहेकी छन्। धनकुटा महालक्ष्मी नगरपालिका मूर्तिढुंगा–९ मा जन्मिएकी १७ वर्षीया वन्दना १२६ घन्टा नृत्य गरेर वल्र्ड रेकर्ड कायम गर्ने उद्देश्यका साथ काठमाडौं बत्तीसपुतलिस्थित बिगमार्टमा नृत्य गरिरहेकी छन्।
नेपाली कला संस्कृतिलाई विश्वमा चिनाउन उनी मंसिर ७ गते विहान ९ बजेदेखि नृत्य गरिरहेकी छन्। वन्दना सानैदेखि नृत्यमा औधी रुचि राख्थिन् । उनको नृत्य पनि उत्कृष्ट रहेकाले वल्र्ड रेकड राख्न सफल हुनेमा आफूहरू आशावादी वन्दना नेपाल फाउन्डेसनका सहसंयोजक सन्तोष लामाले बताए।
‘वन्दनामा केही फरक गर्न चाहने ऊर्जाशील युवती हुन्’, लामाले भने । उनी डान्स सिक्न बेङ्लोर गएकी थिइन् । बेङ्लोरमा डान्स सिक्ने क्रममा उनले १२३ घन्टा १६ मिनेट डान्स गरेर भारतको केरालाकी मण्डलम हेमलथाले वल्र्ड रेकर्ड राखेको कुरा थाहा पाइन् । त्यसपछि उनले त्यो रेकर्ड तोड्ने अठोट बोकेकी थिइन् ।
उनीहरूको अनुहारमा बेसहाराको सहारा बन्दै उनीहरूको भोक, प्यास, नाना, माना र छानाको चिन्ता हुन्छ। बिहान उठेदेखि अबेर रातिसम्म उनीहरू तिनैको सहारा बन्ने कर्ममा कर्मशील भइरहेका...