एजेन्सी- अन्तर्राष्ट्रिय मैत्रीपूर्ण खेल दौरान चोट बोकेका फ्रान्सेली क्लब पेरिस सेन्ट जर्मेन (पीएसजी) का फरवार्डद्वोय नेयमार र किलियन एमबाप्पेले लिभरपुलविरुद्धको खेलमा फर्किने सम्भावना धेरै रहेको देखिएको छ ।
पीएसजीका प्रशिक्षक थोमस टुचेललेका अनुसार चोटग्रस्त फरवार्डद्वोय नेयमार र एमबाप्पे लिभरपुलविरुद्ध खेल्ने सम्भावना रहेको बताएका हुन् । दुवै खेलाडीले शनिबार अन्तर्राष्ट्रिय मैत्रीपूर्ण खेलमा चोट बोकेका थिए ।
तर, नेयमार र एमबाप्पेले टोलुसोविरुद्धको लिग वान खेल भने गुमाउनेछन् । प्रशिक्षकले शनिबार नेयमार र एमबाप्पेलाई खेलाएर जोखिम नमोल्ने बताएका छन् । ब्राजिलले क्यामरुनलाई १-० ले पराजित गरेको खेलमा नेयमारले खेलको आठौं मिनेटमा नै तिघ्रामा चोट बोकेका थिए ।
यता, एमबाप्पेले उरुग्वेलाई १-० ले पराजित गरेको खेलमा काँधमा चोट बोक्दै मैदान बाहिरिएका थिए । पीएसजीले बुधबार राती च्याम्पियन्स लिगको खेलअन्तर्गत घरेलु मैदानमा लिभरपुलसँग खेल्दैछ ।
समूह ‘सी’ बाट नकआउट चरणमा प्रवेश गर्न लिभरपुल र पीएसजी दुवैलाई निश्चित जित आवश्यक छ । लिभरपुलको ६ अंक रहेको छ भने पीएसजीको ५ अंक छ । यो समूहबाट नेपोली ६ अंक जोडेर शीर्ष स्थान छ ।
प्रकाशित: Dec 31, 2017| 18:23 आइतबार, पुस १६, २०७४