सरकार मोजमस्तीमा भुल्यो: सिटौला

सुर्खेत- नेपाली कांग्रेसका नेता तथा पूर्वमहामन्त्री कृष्णप्रसाद सिटौलाले वर्तमान सरकार मौजमस्तीमा भुलेको अरोप लगाएका छन्। मंगलबार सुर्खेतको वीरेन्द्रनगरमा कांग्रेसको राजनीतिक प्रस्ताव मस्यौदा कार्यशाला गोष्ठीको उद्घाटन सत्रमा बोल्दै नेता सिटौलाले यस्तो आरोप लगाएका हुन्।

राष्ट्रपतिलाई १८ करोडको गाडी खरिद गर्ने लागेको प्रशंगतिर इंगित गर्दै सिटौलाले भने ‘जनताबाट कुखुराको पाँच रुपैयाँ कर उठाएर, करौडौंका गाडी किन्न थाल्यो।’

‘सरकारले एकातिर राज्यको ढुकुटीमा मौजमस्ती गरिएको छ भने अर्काेतिर राज्यका सम्पूर्ण निकाय कब्जा गर्न थाल्यो।’ सिटौलाले भने ‘कर्णाली जस्ता विकट क्षेत्रका दुःख सरकारले सुन्नेवाला छैन।’दुई तिहाई दम्बमा न्यायालयदेखि प्रहरी प्रशासनसम्म कब्जा गर्ने रणनीति अपनाएको उनको भनाई थियो।

नेतृत्व कमजोर रहेकै कारण सरकारले अनुचित कार्यहरू गर्दापनि प्रतिपक्षको प्रभावकारी भूमिका निर्वाह गर्न नसकेको बताए। ‘मुहान दुसित भयो भने सारा खोलानै प्रदुसित हुन्छ।’ सिटौलाले भने ‘नेतृत्व कमजोर भएकै कारण काँग्रेसले प्रतिपक्षको भूमिका निर्वाह गर्न नसकेको उल्लेख गरे।

राजनीतिक प्रस्ताव मस्यौदाको विषयबस्तुमाथि प्रष्टपादै अर्का नेता श्रीकृष्ण अनिरुद गौतमले केन्द्रदेखि वडासम्मको पार्टीपंतिलाई बलियो बनाउनेगरी समितिलाई सुझाव दिुनपर्ने बताएका थिए। कार्यक्रममा सांसद किशोरसिंह राठोर, केन्द्रिय सदस्य हृदयराम थानी लगायतले गुट–उपगुटको अन्त्य गर्दै पार्टीको राजनीतिक भविश्यलाई ध्यान दिनुपर्ने धारणा राखेका थिए।