एजेन्सी- अन्तर्राष्ट्रिय मैत्रीपूर्ण खेलअन्तर्गत आज (मंगरबार) राति रुस विश्वकप विजेता फ्रान्स र ब्राजित र उरुग्वे खेल्दै छन् । जसमा फ्रान्सले उरुग्वेको सामना गर्दै छ ।
उक्त खेललाई मंगलबार हुने अन्तर्राष्ट्रिय मैत्रीपूर्ण खेल अन्तर्गत सबै भन्दा रोमाञ्चक खेलको रुपमा हेरीएको छ । किनकी, मंगलबारको खेलमा दुवै टोलीले पहिलो रोजाइका खेलाडी उतार्ने हुँदा खेल निकै रोमाञ्चक हुने अपेक्षा गर्न सकिन्छ ।
जसले रुस विश्वकपको एक झल्को देख्न पाइनेछ अनुमान गरिएको छ । खेल फ्रान्सको स्टेड डे रंगशालामा नेपाली समय अनुसार राति १:४५ बजबाट सुरु हुने छ ।
यि दुबै टोली रुस विश्वकपको अन्तिम आठमा भिडेका थिए ।
जहाँ उरुग्वे फ्रान्ससँग २-० ले पराजित हुदै घर फर्केको थियो । जसको बदला लिने दाउमा उरुग्वे मैदानमा उत्रिने छ । रुस विश्वकपमा उरुग्वेविरुद्ध फ्रान्सका लागि एन्टोनी ग्रीजम्यान र राफेएल भारानेले गोल गरेका थिए । त्यसपछि यी दुई टोली पहिलो पटक मंगलबार राति भेट हुन लागेको हो ।
उरुग्वे यसअघि आफ्नो मैत्रीपूर्ण खेलमा ब्राजिलसँग १-० ले हारेको थियो । फ्रान्स भने यसअघि शनिबार युइएफए नेसन्स लिगमा नेदरल्यान्ड्ससँग २-० ले हारेको थियो ।
त्यस्तै मंगलबार राति नै ब्राजिलले क्यामरुनको सामना गर्दै छ । उक्त खेल राति नेपाली समय अनुसार १:१५ मा सुरु हुने छ भने १:३० मा इटाली र युएसए भिड्ने छन् ।
प्रकाशित: Dec 31, 2017| 18:23 आइतबार, पुस १६, २०७४