एजेन्सी- जारी सिजन २०१८-१९ को हालसम्मको खेल अनुसर युरोपका शीर्ष पाँच लिगमा फ्रेन्च क्लब पेरिस सेन्ट जर्मेन (पीएसजी) सर्वाधिक गोल गर्ने क्लब बनेको छ । युरोपका शीर्ष पाँच लिगमा फ्रेन्च क्लब पिएसजी ४५ गोल गर्दै सबैभन्दा धेरै गोल गर्ने क्लब बनेको हो ।
यस सिजन लिग वानका १३ खेल खेलेको पीएसजीले ४५ गोल गर्दा मात्र ७ गोल खाएको छ । यो नै युरोपका पाँच लिगमध्ये सबैभन्दा बढी गोल संख्या हो । पिएसजीमा नेइमार, फ्रेन्च युवा फरवार्ड केलियन एमबाप्पे, उरुग्वेन फरवार्ड इडिसन काभानी रहेका छन् ।
पिएसजीपछि इंग्लिस क्लब म्यानचेस्टर सिटी युरोपमा धेरै गोल गर्ने दोस्रो क्लब बनेको छ । लिगको साबिक विजेतासमेत रहेको सिटीले लिगका १२ खेल सकिँदा ३६ गोल गरिसकेको छ । त्यसबीचमा उसले पिएसजीको भन्दा कम ५ गोल कम हो ।
तेस्रो स्थानमा सुपरस्टार लियोनल मेस्सीको टोली बार्सिलोना रहेको छ । ला लिगाको साबिक विजेता बार्सिलोनाले यो सिजन १२ खेल सकिँदा विपक्षीको पोस्टमा कूल ३४ गोल गरेको छ भने १८ गोल खाएको छ ।
युरोपको अर्को लिग बुन्डेसलिगमा सर्वाधिक धेरै गोल गर्ने क्लब बोरुसिया डर्टमन्ड भएको छ । उसले लिगका १२ खेल सकिँदा ३३ गोल गरेको छ । डर्टमन्डले लिगको साबिक विजेता बार्यन म्युनिखलाई पनि गोल गर्ने मामिलामा पछि पारेको छ । डर्टमुन्डेले ३३ गोल गर्दा १२ गोल खाएको छ । युरोपका शीर्ष पाँच गोलकर्ता क्लबको सूचीमा प्रिमियर लिगकै चेल्सी रहेको छ । उसले हालसम्म लिगमा २७ गोल गरिसकेको छ । उसले आफ्नो पोस्टमा ८ गोल खाएको छ ।
यता, सुपरस्टार क्रिस्टियानो रोनाल्डोको टोली युभेन्टसले भने सिरी ए मा उति गोल गर्न सकेको छैन । १२ खेलपछि युभेन्टस युरोपका सर्वा्धिक ५ गोलकर्ताको सूचीमा पनि अटेको छैन । रोनाल्डोको टोलीले सिरी ए मा हालसमम १२ खेल सकिँदा कूल २६ गोल गरेको छ । जुन चेल्सीको भन्दा मात्रै १ गोलले बढी हो । युभेन्टसले आफूले भने ८ गोल मात्रै खाएको छ ।
प्रकाशित: Dec 31, 2017| 18:23 आइतबार, पुस १६, २०७४