पोखरा- पोखरामा जारी सर्वाधिक पुरस्कार राशीको पोखरा प्रिमियर लिग (पीपीएल) टी-२० क्रिकेट अन्तर्गत घरेलु टोली पोखरा पल्टनले एक्स्पर्ट धनगढी ब्लुजलाई जितका लागि १ सय ४५ रनको लक्ष्य दिएको छ ।
टस जितेर पहिले ब्याटिङ गर्ने निर्णय गरेको पोखराले निर्धारित २० ओभरमा ८ विकेट गुमाउदै १ सय ४४ रन जोडेको हो । पोखराका लागि रोहित कुमार पौड्यालले ३१ रन जोडे । उनले २१ बल खेल्दै चार चौका र एक छक्का प्रहार गर्दै ३१ रन जोडे ।
रविन्द्र सिंहले २८ रन जोडे । उनले २६ बलमा दुई चौका र दुई छक्का प्रहार गर्दै २८ रन जोडेका हुन् । त्यस्तै आसिफ सेखले २३, रसिद खानले १५, कप्तान शरदले १४, मोहमद नाभिदले ११ रन जोड्न बाहेक अन्ये ब्याट्सम्यान धानगढी ब्लुजका बलर अगाडी खुलेर खेल्दन सकेनन् ।
धनगढीका लागि कमलसिंह ऐरीले चार विकेट लिए । पेटर ट्रेगो, डान लावरेन्स र रोबिन श्रेत्रीले समान एक एक विकेट लिए । प्ले अफमा स्थान बनाउन धनगढीलाई जित्नै पर्ने दबाब छ ।
४ खेलबाट ४ अंक जोडेको धनगढी पाँचौ स्थानमा छ । पोखरालाई हराएर धनगढी शीर्ष तीनमा रहदै प्ले अफ पुग्नेछ । पराजित भएमा प्ले अफ सम्भावना निकै कम हुनेछ ।
यता, घरेलु समर्थकको साथ पाएको पोखरा तेस्रो जितको खोजीमा हुनेछ । ३ खेलबाट ४ अंक जोडेको पोखरा दोस्रो स्थानमा छ । यस खेलमा धनगढीलाई हराउन सके पोखराको प्ले अफ सम्भावना बलियो हुनेछ । पराजित भएमा अन्तिम खेलको नतिजा कुर्नुपर्नेछ । धनगढीले केही बेरमा जवाफी ब्याटिङ गर्ने छ ।
प्रकाशित: Dec 31, 2017| 18:23 आइतबार, पुस १६, २०७४