एजेन्सी–विश्वमा जनसंख्या बढ्दो अवस्थामा छ अनि खाद्य सामग्री उत्पादनमा भने दिनप्रतिदिन ह्रास आइरहेको छ । त्यसैले खोज तथा अनुसन्धानकर्ताहरुले वैकल्पिक खानाका लागि विभिन्न परिकार बनाउने तयारी थालेका छन् । यसको पछिल्लो उदाहरण किरा फट्याङ्गाको प्रयोग गरी खाने परिकार चिप्स, ब्रेड र पास्ता बनाउने तयारी ।
भविष्यमा आउने अनिकाल हटाउन क्रिकेट वन नामक एक कम्पनीले यो तयारी थालेको हो । किरा फट्याङ्ग्रा खाने कुरा गर्दा अहिले पनि जो कोहीको आङ सिरिङ हुन्छ धेरै घिनाएर किरा खाने कल्पना पनि गर्दैनन् । तर, भियतनामका ३९ वर्षे नैम डैंगले बढ्दो जनसंख्यालाई ध्यानमा राखी भविष्यमा किरा फट्याङ्रा खाएर बाच्न सकिन्छ भन्ने विषयमा खोज गरेका छन् ।
भविष्यमा आउने अनिकालको लागि किरा खाने र खुवाउने तयारीमा उनले क्रिकेट वन नामक एक कारखाना खोलेका छन् । क्रिकेटमा पाइने प्रोटिनले मानिसहरुको पेट भर्ने सपना उनले बनाएका छ ।
उनी भन्छन, ‘खाद्य र कृषि संस्थानको एक रिर्पोट अनुसार २०५० सम्म दुनिँयाको जनसंख्या साढे ९ अर्व पुग्ने सम्भावना छ । किसानहरु क्रिकेटलाई व्यवस्थित रुपमा पाल्दै आएका छन् र कसावा रुखको पात खुवाउँछन् ।’
कसावा रुख साबुदाना बन्ने रुख हो जसबाट क्रिकेटको खाना तयार गरिन्छ । कारखानामा मेसिन, रङ्ग र लाइट सबै मिलाएर राखिएको छ । क्रिकेटलाई भुटेर त्यसको पेस्ट बनाइन्छ । र चिप्स, बे्रड र पास्ता बनाइन्छ ।
नैम डैंगका अनुसार, क्रिकेटको उत्पादनलाई बजारमा ल्याउन सकियो भने विश्वमा नै प्रसिद्ध हुने सम्भावना देखिन्छ । बीबीसीको सहयोगमा
क्रिकेट वनले हालै अर्को क्रिकेट कारखाना बनाएको छ । यस कारण यसको क्षमता पनि तीन गुणा वढेको छ र उत्तर अमेरिका, अष्ट्रेलिया र यूरोपमा पनि निर्यात गर्न सकिन्छ ।
प्रकाशित: Dec 31, 2017| 18:23 आइतबार, पुस १६, २०७४