काठमाडौं- दशैंका लागि घर जाने यात्रुको चाप बढेपछि काठमाडौं रितिदै गएको छ ।
ट्राफिक प्रहरी महाशाखाका अनुसार आइतबार बिहानसम्ममा १९ लाख ७३ हजार ३४१ जनाले काठमाडौं छाडेका छन् । सरकारले ५ असोजदेखि दसैंका लागि अग्रिम टिकट बुकिङ खोलेको थियो । यो सोहि दिनदेखिको रेकर्ड हो । महाशाखाका अनुसार यसमा मोटर साइकलमा काठमाडौं छाड्ने बाहेकको तथ्याङ्क समावेश छैन् ।
ट्राफिक प्रहरी महाशाखाका प्रमुख एसएसपी वसन्तकुमार पन्तका अनुसार दैनिक डेढलाखको हाराहारीमा यात्रुहरुले काठमाडौं छाड्दै आएका छन् । आइतबार, सोमबार र मंगलबार काठमडाौं छाड्नेको संख्या अत्याधिक मात्रामा वृद्धि हुने उनले जानकारी दिए । उनले भने– यो तीन दिनमा दैनिक २ देखि ३ लाखसम्मले काठमाडौं छाड्न सक्ने हाम्रो अनुमान छ ।
महाशाखाका अनुसार शनिबार मात्रै १ लाख ५९ हजार ७४० यात्रुले काठमाडौं छाडेका छन् भने शुक्रबार १ लाख ५७ हजार ९५१ यात्रु दशैं मनाउन काठमाडौंबाट बाहिरीएका छन् ।
प्रकाशित: Dec 31, 2017| 18:23 आइतबार, पुस १६, २०७४