बुधबार, जेठ १४, २०७७

लकडाउनमा पुतलीसडकको स्वरुप फेरिँदै, अब हुने छैन डुबान (भिडियो)

पुतलीसडकको स्वरुप फेरिँदै

काठमाडौं- लकडाउनको समयलाई सदुपयोग गर्दै काठमाडौंको पुतलीसडकमा ढल मर्मतको कामलाई तिब्र पारिएको छ। ठूलो वर्षा हुना साथ डुबान हुने राजधानीको मुख्य क्षेत्र पुतली सडकमा सडक विभागले ढल मर्मत कार्य गरिरहेको छ।

अघिपछि अत्यन्तै व्यस्त हुने सो सडक क्षेत्र लकडाउनका बेला मर्मत गर्न लागिएको विभागले जनाएको छ। सरकारले लकडाउनको अबधि थप्दै गएपछि पुतली सडकको ढल व्यवस्थापन कार्य गर्न सहज भएको विभागले जनाएको छ।

पुतली सडकमा ठूला ह्युम पाइप राख्ने, फुटपाथ मर्मत गर्ने र कालोपत्रे गरिने जनाइएको छ।

ढल मर्मतका लागि पुरै सडक बन्द गरिएको छ। विभागका अनुसार पीआर कन्स्ट्रक्सनले ढल मर्मत, फुटपाथ तथा कालोपत्रेको ठेक्का प्राप्त गरी काम गरिराखेको छ।

प्रतिक्रिया दिनुहोस्