बुधबार, कात्तिक २७, २०७६

खेलकुद

उद्घाटन खेलमा रुसको रवाफिलो जित

विश्‍वकप २०१८ को उद्‍घाटन खेलमै आयोजक रुसले साउदी अरेबियालार्इ फराकिलो गोल अन्तरले पराजित गरेको  छ । 

उद्घाटन खेलमा रुसको रवाफिलो जित
काठमाडौं - विश्‍वकप २०१८ को उद्‍घाटन खेलमै आयोजक रुसले साउदी अरेबियालार्इ फराकिलो गोल अन्तरले पराजित गरेको  छ । 

रुसले साउदीलार्इ ५-० गोलले पराजित गरेको छ । रुसका लागि पहिलो गोल रुसका क्याप्टेन युरी गोजिन्सिले पहिलो गोल गरेका हुन् । यो उनको पहिलो अन्तर्राष्ट्रिय गोल पनि हो। पहिलो गोल बायाँपट्टीको कर्नरबाट गोल गरेका हुन् । 

यस्तै खेलको ४३औं मिनेटमा डेनिस चेरिसेभले गोल गर्दै घरेलु टोलीको अग्रता दोब्बर पारे। पहिलो हाफमा २ गोलको अग्रता लिएर दोस्रो हाफमा मैदान उत्रेको रुसका लागि आर्तेम दर्बुजाले हेड मार्फत ७१ औं मिनेटमा तेस्रो गोल गरे । उनी ७० औं मिनेटमा फेदोर सेमोलोभको सट्टामा मैदान छिरेका थिए।

यस्तै ९० मिनेटपछि थपिएको ३ मिनेटको अतिरिक्त समयको पहिलो मिनेटमा साउदीका फहाद अल मुलादले फल गरेपछि रुसका देनिश चेरोसेभले डिबक्सको दाँयाबाट 'लेफ्ट फुट सट' हान्दै चौथो गोल गरे। 

थप समयको अन्तिम मिनेटमा साउदीका तेसिल अल जासमले फल गरेपछि रुसले पाएको फ्रि-किकलाई सदुपयोग गर्दै एलेकसान्दर गोलोभिनले ५ औं गोल गरे। उद्घाटन खेलमै ५ गोल गरेको रुसले महत्वपूर्ण ३ अंक जोडेको छ।


 
प्रतिक्रिया दिनुहोस्