मंगलबार, कात्तिक २६, २०७६

समाचार

किम भेट्न ट्रम्प आइपुगे सिंगापुर

अमेरिकी राष्ट्रपति डोनाल्ड ट्रम्प उत्तरकोरियाली नेता किम जोङ–उनसँग ऐतिहासिक वार्तामा सहभागी हुन सिंगापुर आइपुगेका छन् । 

किम भेट्न ट्रम्प आइपुगे सिंगापुर
सिंगापुर (रोयटर्स)- अमेरिकी राष्ट्रपति डोनाल्ड ट्रम्प उत्तरकोरियाली नेता किम जोङ–उनसँग ऐतिहासिक वार्तामा सहभागी हुन सिंगापुर आइपुगेका छन् । 

आफ्नो मुलुकको पुरानो दुष्मन उत्तरकोरियाले गर्दै आएको परमाणु क्षेप्यास्त्र परीक्षणको अन्त्यका लागि यो वार्ता कोशेढुंगा सावित हुने विश्वास अन्तर्राष्ट्रियस्तरमा गरिँदै आएको छ । साथै, संसारबाट अलग रहँदै आएको उत्तरकोरियाको रूपान्तरणमा पनि यसबाट मद्दत पुग्ने अपेक्षा छ । 

राष्ट्रपति ट्रम्प सिंगापुरको पाया लेबर एयरबेसमा उत्रिए । क्यानाडामा जम्मा भएका अमेरिकाका अति निकटस्थ मुलुकहरूसँगको बैठक छाडेर उनी सिंगापुर उत्रिनुको मुल कारण परमाणु आक्रमणको धम्की दिइरहने आफ्नो एक दुष्मनसँग वार्ता गर्नु हो । 

अमेरिकी वायु सेनाको हवाई अड्डामा राष्ट्रपति ट्रम्पलाई सिंगापुरका विदेश मन्त्री विवियन बालकृष्णनले स्वागत गरे । त्यस क्रममा एक संवाददाताले ट्रम्पसँग सोधे, ‘यो शिखरवार्ताप्रति कस्तो महशुस भइरहेको छ ?’ ट्रम्पको छोटो जवाफ थियो, ‘भेरी गुड ।’

त्यसपछि उनी आफ्नो लिमोजिन कारतर्फ लम्किए, जसले उनलाई मध्य सिंगापुरको होटेलसम्म पु¥यायो । उत्तरकोरियाली नेता किम उक्त शिखर वार्ताका लागि स्थानीय समयअनुसार आइतबार बिहानै चिनियाँ विमान चढेर सिंगापुर आइसकेका छन् । 
 
प्रतिक्रिया दिनुहोस्