बुधबार, कात्तिक २७, २०७६

समाचार

धनगढीमा गोरे आतंक : मोटरसाइकल चोरी गरेको आरोपमा सात समातिए

३३ किलो सुन तस्करी प्रकरणका गोरेको चर्चामा भइरहदा कैलालीको धनगढीमा अर्को एक जना गोरे मोटरसाईकल चोरीको आरोपमा पक्राउ परेका छन् ।

धनगढीमा गोरे आतंक : मोटरसाइकल चोरी गरेको आरोपमा सात समातिए
धनगढी- ३३ किलो सुन तस्करी प्रकरणका गोरेको चर्चामा भइरहँदा कैलालीको धनगढीमा अर्को एक जना गोरे मोटरसाइकल चोरीको आरोपमा पक्राउ परेका छन् ।
 
चोरीको मोटरसाइकल विक्री गर्ने गोरे भनिने धनगढी उपमहानगरपालिका ६ मटियारीका २१ वर्षीय रामभजन रानासहित ६ जनालाई प्रहरीले पक्राउ गरेको हो । राना पेन्टिङको काम गर्दै आएका छन्। 

उनीहरूलाई चोरी भएका सात वटा मोटरसाइकलसहित आइतबार प्रहरीले पत्रकार सम्मेलन गरेर सार्वजनिक गरेको हो । पक्राउ परेकामध्ये चार जना मुख्य व्यक्त्ति, एक जना चोरीका मोटरसाइकल बेचविखन गर्ने र एक जनाको घरमा मोटरसाइकल बरामद गरिएको थियो । 



सुदूरपश्चिम समाज नामक संस्थामा काम गर्ने कैलाली गाउँपालिकाका १८ वर्षीय  सन्जु चौधरी, धनगढी ६ मटियारीकै आलमुनियम पसलमा काम गर्ने २० वर्षीय सुरज रानले मोटरसाइकल चोरी गरेको प्रहरीले जनाएको छ । 

कञ्चनपुरको बेदकोट नगरपालिका ५ का २८ वर्षीय पदम धानुक आफ्नै ग्यारेज भएको र घोडाघोडी ९ का किसन चौधरी ग्यारेजमा काम गर्दै चोरीका मोटरसाईकल बेचबिखन गर्दै आएको एसपी विनोद घिमिरेले जानकारी दिए । 

उनीहरूले राति १० देखि दुर्इ बजेसम्म धनगढीका मुख्य स्थानमा राखिएका मोटरसाइकल चोरी गर्दै आएका थिए । हसनपुर बसपार्क पछाडि, चटकपुर, क्याम्पसरोडलगायत स्थानबाट बढी मोटरसाइकल चोरी गरेको उनीहरूले स्वीकारेका छन् । सबैभन्दा बढी पल्सर त्यसपछि अपाचे, सुपर स्प्लेन्डरलगायत मोटरसाइकल चोरी गर्दै आएका थिए ।
प्रतिक्रिया दिनुहोस्