बुधबार, कात्तिक २७, २०७६

समाचार

स्वास्थ्य बीमालार्इ व्यवस्थित गर्छु : स्वास्थ्यमन्त्री यादव

उपप्रधानमन्त्री तथा स्वास्थ्यमन्त्री उपेन्द्र यादवले नेपालीको स्वास्थ्यलार्इ प्राथमिकतामा राखेर काम गर्ने बताएका छन् । 

स्वास्थ्य बीमालार्इ व्यवस्थित गर्छु : स्वास्थ्यमन्त्री यादव
पोखरा- उपप्रधानमन्त्री तथा स्वास्थ्यमन्त्री उपेन्द्र यादवले नेपालीको स्वास्थ्यलार्इ प्राथमिकतामा राखेर काम गर्ने बताएका छन् । 

संघीय समाजवादी फोरम पार्टीका अध्यक्षसमेत रहेका यादवले स‌ंघीय प्रेस फोरमले कास्कीमा आयोजना गरेको पत्रकार भेटघाट कार्यक्रममा मन्त्री यादवले मुलुकको आर्थिक व्यापार घाटा, गरिबी र बेरोजगार ढिलासुस्तीजस्ता विकृतिको अन्त्य गरी मुलुकलाई समृद्धिको बाटोमा अगाडि बढाउने बताए । उनले स्वास्थ्य बीमालाई समिति गठन गरेर व्यवस्थित गरिने योजना रहेको बताए । 

मन्त्री यादवले गरिबी निवारणका लागि कृषिको आधुनिकीकरण, पर्यटन, जलस्रोतको उपयोगका साथै उद्योगधन्दाको विकासमा जोड दिनुपर्ने बताए । 

संविधान निर्माणका क्रममा भएका त्रुटिलाई संशोधनको माध्यमबाट सुधार गर्दै अगाडि बढ्ने उद्देश्यका साथ नेपाल कम्युनिष्ट पार्टी(नेकपा) सँग भएको दुईबुँदे सहमतिका आधारमा संघीय समाजवादी फोरम सरकारमा सामेल भएको बताए । 

वर्तमान सरकार दुई तिहाइभन्दा बढी बहुमतको सरकार बनेको भन्दै यादवले कानून बनाएर प्रदेशलाई अधिकार सम्पन्न बनाउन अपरिहार्य रहेको बताए । 

पहिचान, समावेशीता, स्वायतत्ता, सुशासनलगायतका जनताका आधारभूत आवश्यकताका रुपमा रहेका शिक्षा, स्वास्थ्य, आवास, खानेपानीलगायतका आवश्यकतालाई पूरा गराउन आफू सक्रियपूर्वक लाग्ने मन्त्री यादवले बताए । रासस
प्रतिक्रिया दिनुहोस्