बुधबार, कात्तिक २७, २०७६

समाचार

आजका अखबारः राष्ट्रपति निलम्बन हुने, सांसद नहुने

राजधानीबाट प्रकाशित शनिबारका सबैजसो राष्ट्रिय दैनिक पत्रिकाहरुले प्रतिनिधिसभाको नियमावली पारित भएको विषयलाई मुख्य समाचार बनाएका छन् । ​​​​​​​नियमावली पारित भएसंगै संसद्का विषयगत समिति गठन, संवैधानिक निकायका पदाधिकारी नियुक्ति ...

आजका अखबारः राष्ट्रपति निलम्बन हुने, सांसद नहुने
काठमाडौं- राजधानीबाट प्रकाशित शनिबारका सबैजसो राष्ट्रिय दैनिक पत्रिकाहरुले प्रतिनिधिसभाको नियमावली पारित भएको विषयलाई मुख्य समाचार बनाएका छन् ।

नियमावली पारित भएसंगै संसद्का विषयगत समिति गठन, संवैधानिक निकायका पदाधिकारी नियुक्ति, राजदुत नियुक्ति एवम् सरकारकार काम कारबाहीमाथि संसद्को निगरानीका लागि मार्गप्रशस्त भएको छ । 

नियमावली पारित भएको विषयलाई आजको कान्तिपुर दैनिकले 'बाटो खुल्यो' शीर्षकमा मुख्य समाचार छापेको छ भने अन्नपूर्ण पोस्ट्ले 'दागी सांसदको पद निलम्बन नहुने' शीर्षक दिएर खबर छापेको छ । नागरिक दैनिकले भने 'राष्ट्रपति निलम्बन हुने, सांसद नहुने' शीर्षकमा खबर लेखेको छ । 

यस्तै आजका पत्रपत्रिकाले सदाचार नीति आउँदै, जनसंख्या बढ्दै सरकारी डाक्टर घट्दै, आरोहीको अक्सिजन नै गुणस्तरहीन लगायका खबरलाई पनि पहिलो पृष्ठमा स्थान दिएका छन् । 

राष्ट्रपति निलम्बन हुने, सांसद नहुने

नगरिक दैनिकमा प्रकाशित खबर अनुसार संविधानले महाअभियोग लाग्नेबित्तिकै राष्ट्रपति निलम्बन हुने व्यवस्था गरे पनि सांसद् भने फौजदारी फैजदारी अभियोग लाग्दा निलम्बन नहुने भएका छन् ।

फौजदारी अभियोग लाग्दा समेत सांसद् निलम्बन नहुने नयाँ व्यवस्था सहितका प्रतिनिधिसभा नियमावली शुक्रबारको संसद् बैठकले बहुमतले पारित गरेको छ । प्रचलित कानुनमा सार्वजनिक पद धारण गरेको व्यक्ति फौजदारी अभियोगमा पक्राउ परेमा स्वतः निलम्बन हुने व्यवस्थालाई कुल्चदैँ सांसदलाई भने यस नियमावलीले निलम्बन हुन नपर्ने सुविधा दिएको छ ।

संसद् नियमावलीको यस्तो व्यवस्थाले प्रतिनिधिसभा र राष्ट्रियसभाका सांसद अब हत्या, अपहरण, शरीर बन्धक, राहदानी दुरुपयोग, जबरजस्ती करणी, खोटा सिक्का अपचलन, प्लेट अपहरण, मानव बेचबिखन जस्ता गम्भीर प्रकृतिका फौजदारी मुद्दामा संलग्न भए पनि निलम्बनमा पर्ने छैनन् ।

आरोहीको अक्सिजन नै गुणस्तरहीन

उच्च हिमाली क्षेत्रको आरोहण यसै पनि जोखिमपूर्ण हुन्छ । त्यसमाथि आरोहणमा जाँदा प्रयोग गरिने अक्सिजन गुणस्तरहीन भइदियो भने अवस्था कस्तो होला ?

तर यहाँ भइरहेको छ यस्तै । अन्नपूरर्ण पोस्ट्मा प्रकाशित खबर अनुसार हिमाल आरोहरणमा जाँदा प्रयोग गरिने अक्सिजन बिक्रीवितरणमा ठगी गर्ने गरेको पाइएको छ ।

उचाइमा लाग्ने ‘लिक्विड अक्सिजन’को सट्टा कम गुणस्तरका मेडिकल अक्सिजन प्रयोग गर्दै आरोहीसँग अधिक मूल्य लिइँदै आएको छ । मापदण्डबिना अक्सिजन कारोबार गर्ने कम्पनीसँग मिलेर ट्रेकिङ कम्पनीले आरोहीलाई लिक्विड अक्सिजनको सट्टा मेडिकल अक्सिजन सिलिन्डर प्रयोग गर्न लगाउने गरेको पाइएको छ ।

गुणस्तरहीन अक्सिजन प्रयोग गरी आरोहीसँग ट्रेकिङ कम्पनीहरूले चारदेखि पाँच सय डलरसम्म असुल गर्दै आएका छन् । मेडिकलमा पाइने सामान्य अक्सिजन हिमालमा प्रयोग गरिने लिक्विड अक्सिजनको बोतलमा भरेर ठगी गर्ने गरेको पाइएको हो । 
 
प्रतिक्रिया दिनुहोस्