सोमबार, मंसिर २३, २०७६

समाचार

नेपाल प्रहरीका सई घुससहित पक्राउ

नेपाल प्रहरीका एकजना सई (प्रहरी नायब निरीक्षक) घुससहित पक्राउ परेका छन्। अख्तियार दुरुपयोग अनुसन्धान आयोगको बर्दिवास कार्यालयको टोलीले महोत्तरीमा कार्यरत सई रामबाबु यादवलाई बुधबार घुससहित रंगेहात पक्राउ गरेको हो।

नेपाल प्रहरीका सई घुससहित पक्राउ
जनकपुरधाम- नेपाल प्रहरीका एकजना सई (प्रहरी नायब निरीक्षक) घुससहित पक्राउ परेका छन्। अख्तियार दुरुपयोग अनुसन्धान आयोगको बर्दिवास कार्यालयको टोलीले महोत्तरीमा कार्यरत सई रामबाबु यादवलाई बुधबार घुससहित रंगेहात पक्राउ गरेको हो।

महोत्तरीको रामगोपालपुर इलाका प्रहरी कार्यालयका ईञ्चार्ज यादवले भारतबाट समान ल्याइदिन सहज बनाइदिन भन्दै खुद्रा व्यापारीसँग पैसा लिइरहेको बेला अख्तियारको टोलीले पक्राउ गरेको छ। 

अख्यितार कार्यालयका अनुसार सई यादवले स्थानीय खुद्रा व्यापारीसँग पाँच हजार नगद घुस मागेका थिए। अख्तियारको टोलीले गोप्य सूचनाको आधारमा यादवलाई पक्राउ गरिएको जनाएको छ। यादवमाथि थप अनुसन्धान भइरहेको अख्तियारको कार्यालय बर्दिवासले जनाएको छ। 
प्रतिक्रिया दिनुहोस्