बुधबार, कात्तिक २७, २०७६

समाचार

सुर्खेतलार्इ प्रदेशस्तरी राष्ट्रपति रनिङ्ग सिल्डको उपाधि 

सुर्खेतको वीरेन्द्रनगरमा सम्पन्न कर्णाली प्रदेशस्तरीय दशौँ राष्ट्रपति रनिङ्ग सिल्डको उपाधि सुर्खेतले हात पारेको छ । शनिबारदेखि शुरु भएको प्रतियोगितामा जुम्ला दोस्रो भएको छ भने सल्यानले तेस्रो भएको छ । 

सुर्खेतलार्इ प्रदेशस्तरी राष्ट्रपति रनिङ्ग सिल्डको उपाधि 

सुर्खेत- सुर्खेतको वीरेन्द्रनगरमा सम्पन्न कर्णाली प्रदेशस्तरीय दशौँ राष्ट्रपति रनिङ्ग सिल्डको उपाधि सुर्खेतले हात पारेको छ । शनिबारदेखि शुरु भएको प्रतियोगितामा जुम्ला दोस्रो भएको छ भने सल्यानले तेस्रो भएको छ । 

तीन दिनसम्म चलेको प्रतियोगितामामा प्रथम, दोस्रो र तेस्रो हुने जिल्लालाई क्रमशः बीस, १५ र दश हजार रुपैयाँ नगद पुरस्कार प्रदान गरिएको छ ।

समापन कार्यक्रममा बोल्दै प्रदशसभा सांसद गुलाब जंग शाहले खेलकुद क्षेत्रले हरेक व्यक्तिलाई अनुशाशीत बनाउने भएकाले यसको विकास गर्नुपर्नेमा जोड दिए । खेलकुदले गाउँदेखि जिल्ला हुँदै समग्र देशको पहिचानलाई उजागर गर्ने भन्दै उनले सहभागी खेलाडीलाई राष्ट्रिय तथा अन्तराष्ट्रियस्तर सम्मको खेल खेल्नका लागि शुभकामना दिए ।

खेलकुद प्रतियोगिता आयोजक समितिका संयोजक तथा राष्ट्रिय खेलकुद परिषद् (राखेप) सदस्य शान्ति सिंहले यही जेठ २४ र २५ गते काठमाण्डौँमा हुने प्रतियोगितामा धेरै पदक कर्णालीले नै जित्ने विश्वास व्यक्त गरिन् ।

प्रतियोगितामा पुरुष कपर्दीतर्फ सल्यान प्रथम र दैलेख दोस्रो भयो भने महिला कपर्दीतर्फ सुर्खेत प्रथम र दैलेख दोस्रो भयो । त्यस्तै, महिला भलिवलमा सल्यान प्रथम,  कालिकोट दोस्रो र जुम्लाले तेस्रो भयो । पुरुषतर्फ भने सल्यान प्रथम, दोस्रो रुकुम र तेस्रो स्थान सुर्खेतले हात पार्‍यो । 

भलिबल छात्रातर्फ सल्यानकी लिला के.सी र छात्रतर्फ सल्यानकै रञ्जित वि.क. उत्कृष्ट खेलाडी घोषित भए । कपर्दीमा छात्रातर्फ सुर्खेतकी देवीका थापा र छात्रतर्फ सल्यानका नवराज क्षेत्री उत्कृष्ट घोषित भए । 

कराँतेमा उत्कृष्ट छात्रा एलिना थापा मगर र छात्रतर्फ चिरन थापा उत्कृष्ट खेलाडी घोषित भए । त्यस्तै, तेक्वान्दोमा छात्रतर्फ लक्ष्मण गुरुङ्ग (दैलेख) र छात्रातर्फ मनिषा विक (सुर्खेत), उसु खेलमा छात्र र्फ कृष्ण सिंह (सुर्खेत) र छात्रातर्फ मालिका सार्की (सुर्खेत) उत्कृष्ट घोषित भए ।

त्यस्तै, एथ्लेटिक्सतर्फ नवराज रावत (जुम्ला) उत्कृष्ट खेलाडी घोषित भए। खेलकुद पत्रकार मञ्च सुर्खेत शाखाले जुम्लाका खेलाडी रावत र भलिवल खेलाडी चरित्र शाहीलाई (कालिकोट) नगद सहित सम्मान गरेको थियो ।
प्रतिक्रिया दिनुहोस्