मंगलबार, मंसिर ३, २०७६

विदेश

अमेरिकाद्वारा बग्दादीमाथि आक्रमणको भिडियो सार्वजनिक

अमेरिकी रक्षा मन्त्रालय पेन्टागनले आईएस प्रमुख अबू बकर अल बग्दादीमाथि आक्रमण गर्दाको भिडियो र फोटो जारी गरेको छ ।

अमेरिकाद्वारा बग्दादीमाथि आक्रमणको भिडियो सार्वजनिक
काठमाडौं- अमेरिकी रक्षा मन्त्रालय पेन्टागनले आईएस प्रमुख अबू बकर अल बग्दादीमाथि आक्रमण गर्दाको भिडियो र फोटो जारी गरेको छ । 

यि मधुरा तस्बिरहरुमा अमेरिकी सैनिक सिरियाको इदलिब प्रान्तमा बग्दादी लुकेको घरतर्फ बढ्दै गरेको देखिन्छ । 

पेन्टागनले कार्वाहीका लागि बढेका हेलिकप्टर र त्यसमाथि चलाइएको गोलीको भिडियो पनि सार्वजनिक गरेको छ । 



अमेरिकी केन्द्रीय कमान्डका जनरल केनेथ म्याकेन्जीका अनुसार बग्दादीमाथि कार्वाही सम्पन्न भएपछि अमेरिकी सेनाले बग्दादी लुकेको घरको अग्लो पर्खाल ध्वस्त पारिदिएको थियो ।

यो कार्वाहीमा दुई जना बालक पनि मारिएका थिए । म्याकेन्जीका अनुसार अमेरिकी सैनिकबाट बच्न बग्दादीले आत्मघाती बम विष्फोट गराउँदा ती दुई बालक मारिएका हुन् ।  उनका अनुसार ती दुबै बालक १२ वर्षभन्दा कम उमेरका थिए । 

बग्दादीले विष्फोट गराएपछि उनी र दुई बालक बाहेक अन्य चार महिलाको पनि मृत्यु भएको म्यान्जीले जानकारी दिएका छन् ।  यसबाहेक अमेरिकी सेनाको कारवाहीमा बग्दादी लुकेको घर परिषरमा रहेका अरु धेरै लडाकु पनि मारिएका छन् । 
प्रतिक्रिया दिनुहोस्