मंगलबार, मंसिर ३, २०७६

विदेश

गोली प्रहारबाट अमेरिकामा ३ को हत्या, ९ घाइते

अमेरिकाको क्यालिफोर्नियामा भएको गोली प्रहारबाट ३ जनाको मृत्यु भएको छ।

गोली प्रहारबाट अमेरिकामा ३ को हत्या, ९ घाइते
एजेन्सी- अमेरिकाको क्यालिफोर्नियामा भएको गोली प्रहारबाट ३ जनाको मृत्यु भएको छ।

क्यालिफोर्नियास्थित लङ तटीय क्षेत्रमा भएको गोली प्रहारबाट अरु ९ जना घाइते भएका छन्।

एपी न्युजका अनुसार स्थानीय समयअनुसार मंगलबार राती अन्धाधुन्ध गोली प्रहार भएको हो। गोली प्रहार गर्ने व्यक्तिबारे केही जानकारी हुन नसकेको प्रहरीले जनाएको छ।

प्रत्यक्षदर्शीहरुका अनुसार एउटा घरमा पार्टी चलिरहेका बेला कसैले अन्धाधुन्ध गोली प्रहार गरेको हो।

एक ४७ वर्षीय ओस्वाल्डो मोरालेसले आफूले करिब १७ पटक गोली चलेको आवाज सुनेको बताएका छन्।

त्यसको केही समयमै प्रहरी आइपुगेको थियो।

अमेरिकामा गोली प्रहारको घटनामा थुप्रै मानिसहरुले ज्यान गुमाइरहेका छन्।
प्रतिक्रिया दिनुहोस्