मंगलबार, कात्तिक २६, २०७६

विदेश

हङकङले सुपुर्दगी विधेयक फिर्ता लियो

हङकङले सुपुर्दगी विधेयक औपचारिक रुपले फिर्ता लिएको छ।

हङकङले सुपुर्दगी विधेयक फिर्ता लियो
एजेन्सी- हङकङले सुपुर्दगी विधेयक औपचारिक रुपले फिर्ता लिएको छ।

हङकङबासी २० वर्षीय एकजना व्यक्तिले ताइवानमा रहेकी आफ्नो प्रेमिकाको हत्या गरेर हङकङ आएर लुकीछिपी बस्दै आएका कारण ताइवान प्रशासनले उनलाई कानुनको कठघरमा ल्याउन सकेको थिएन।

उक्त मुद्दाको कानुनी उपचारका लागि भनेर हङकङले सुपुर्दगी विधेयक सदनमा पेश गरेको थियो।

तर त्यस्ता घटनाको आवरणमा मुख्य भूमि चीनको प्रशासनले चीनको शासनविरोधी व्यक्ति, संस्था तथा पत्रकारहरुमाथि आवश्यक निगरानी गर्ने र पक्राउ गरी चीनलाई हस्तान्तरण गर्न सक्ने अवस्यम्भावी परिस्थितिलाई बुझेर हङकङबासीले आन्दोलन सुरु गरेका थिए।

गत जुलाईदेखि जारी आन्दोलनका कारण हङकङ प्रशासन पछि हटेर विवादास्पद सुपुर्दगी विधेयक फिर्ता लिएको हो।
प्रतिक्रिया दिनुहोस्