मंगलबार, मंसिर ३, २०७६

खेलकुद

नवप्रवेशी सेफिल्डसँग आर्सनलको हार

इङ्लिस प्रिमियर लिग फुटबलमा आर्सनल नवप्रवेशी क्लबसँग पराजय भोगेको छ।

नवप्रवेशी सेफिल्डसँग आर्सनलको हार
काठमाडौं- इङ्लिस प्रिमियर लिग फुटबलमा आर्सनल नवप्रवेशी क्लबसँग पराजय भोगेको छ।

सोमबार राति भएको खेलमा नवप्रवेशी सेफिल्ड युनाइटेडसँग आर्सनलले १-० को हार व्यहोरेको हो। सेफिल्डको घरेलु मैदानमा भएको खेलमा मौसेटले खेलको एक मात्र निर्णायक गोल गरेका थिए। उनले खेलको पहिलो हाफमा नै घरेलु टोलीलाई अग्रता दिलाएका थिए। खेलको ३० औं मिनेटमा मौसेटले गोल गर्दै सेफिल्ड पहिलो हाफमा १-० को अग्रता बनायो। दोस्रो हाफमा दुवै टोलीबाट कुनै पनि थप गोल हुन नसक्दा आर्सनलले हार व्यहोरेको हो। 

जितसँगै सेफिल्ड प्रिमियर लिगको शीर्ष १० भित्र अटाउन सफल भएको छ। सेफिल्ड नवौं स्थानमा उक्लिनका साथै रेलिगेसन जोनसँग ४ अंकको अग्रता लिन सफल भएको छ। आर्सनल १५ अंकसहित पाँचौ स्थानमा छ।

एजेन्सीको सहयोगमा 
प्रतिक्रिया दिनुहोस्