मंगलबार, मंसिर ३, २०७६

विदेश

हिन्दु समाजवादी पार्टीका नेता कमलेश तिवारीको घाँटी रेटी हत्या

भारतको लखनऊमा हिन्दु समाजवादी पार्टीका नेता कमलेश तिवारीको घाँटी रेटी हत्या भएको छ।

हिन्दु समाजवादी पार्टीका नेता कमलेश तिवारीको घाँटी रेटी हत्या
लखनऊ - भारतको लखनऊमा हिन्दु समाजवादी पार्टीका नेता कमलेश तिवारीको घाँटी रेटी हत्या भएको छ। खुर्शीद बागस्थित कार्यालयमा चिया पिउन आएका केही व्यक्तिले उनीमाथि गोली चलाइ घाँटी रेटेका प्रहरीले बताएको छ। उनीहरुले मिठाइको बट्टाभित्र चक्कु र पेस्तोल लिएर आएका थिए।

प्रहरीका अनुसार घटनालगत्तै आक्रमणकारीहरु फरार भएका थिए। प्रहरीले घटनास्थलबाट केही हतियारसमेत बरामद गरेको छ। घटनालगत्तै प्रहरीले कल डिटेलका आधारमा अनुसन्धान थालेको बताएको छ।

हिन्दु महासभाका नेता तिवारीले सन् २०१५ को डिसेम्बरमा पैगम्बर मोहम्मदकाविरुद्धमा विवादित वयान दिएका थिए। यसलाई लिएर चर्को विवाद भएपछि उनी पक्राउ परेका थिए।
प्रतिक्रिया दिनुहोस्