बुधबार, कात्तिक २७, २०७६

समाचार

दसैंमा नगर बस 

दसैंको अवसरमा दैलेखको चामुण्डाविन्द्रासैनी नगरपालिकाले नगर बस संचालनमा ल्याएको छ।

दसैंमा नगर बस 
सुर्खेत- दसैंको अवसरमा दैलेखको चामुण्डाविन्द्रासैनी नगरपालिकाले नगर बस संचालनमा ल्याएको छ।

आम सर्वसाधारणलाई यातायात सेवा सहज बनाउन नगर बस संचालनमा ल्याएको नगरपालिकाले जनाएको छ। 

चामुण्डाविन्द्रासैनी नगरपालिकाका मेयर सूर्यबहादुर शाहीले पालेतडादेखि तीजडासम्म नगर बस संचालन गरिएको जानकारी दिए। बस सेवा सञ्चालन भएसँगै पालेतडा तथा पाल्त क्षेत्रका सर्वसाधारणलाई यातायात सेवा सहज हुनेछ। नगर बसमा ज्येष्ठ नागरिक, बालबालिका र अपांगता भएका व्यक्तिले निःशुल्क सेवा पाउनेछन्। 

नगरपालिकाका प्रायः सबै वडा सडक संजालसँग जोडिए पनि यातायात सुविधा नपुगेकाले बस सञ्चालन गरिएको शाहीले बताए। 

नगरपालिकाका प्रमुख प्रशासकीय अधिकृत तिलक बिकले बस सञ्चालनका लागि आर्थिक वर्ष ०७६/७७ मा नगरसभाबाट ३५ लाख बजेट विनियोजन भएको जानकारी दिए।  

नगरसभा र नगरकार्यपालिकाको बैठकले नगर बस संचालन गर्ने निर्णय गरेको थियो।  
प्रतिक्रिया दिनुहोस्