शुक्रबार, फागुन १६, २०७६

z
समाचार

प्रहरी भ्यानमा ठोक्किँदा मोटरसाइकल चालकको मृत्यु

जनकपुरमा प्रहरी भ्यान र मोटरसाइकल ठोक्किदा चालकको मृत्यु भएको छ । अर्का एकजना घाइते भएका छन् ।

प्रहरी भ्यानमा ठोक्किँदा मोटरसाइकल चालकको मृत्यु
जनकपुरधाम- जनकपुरमा प्रहरी भ्यान र मोटरसाइकल ठोक्किँदा चालकको मृत्यु भएको छ । अर्का एकजना घाइते भएका छन् ।

मृत्यु हुनेमा धनुषाको धनौजी गाउँपालिका घरभइ हाल जनकपुरधाम-४ मा डेरा गरी बस्दै आएका १८ वर्षीय मनिष मण्डल रहेको प्रहरीले जनाएको छ ।

दुर्घटनामा परी गम्भीर घाइते भएका मण्डलको जनकपुर अञ्चल अस्पतालमा उपचारको क्रममा मृत्यु भएको हो ।
 
यसैगरी दुर्घटनामा घाइते जनकपुर–४ बस्ने १६ वर्षीय नजीरुल अंसारीको जनकपुर अञ्चल अस्पतालमा उपचार भइरहेको प्रहरीले जनाएको छ ।

मुरली चोकबाट राम चोकतर्फ गइरहेको अनटेस्ट पल्सर २२० मोटरसाइकल र विपरित दिशाबाट आइरहेको प्रदेश प्रहरी गणको ना १ ग ४७९ नम्बरको भ्यान जनकपुरको रामचोकमा ठोक्किदा दुर्घटना भएको हो।

यद्यपि घटनाबारे थप अनुसन्धान भइरहेको धनुषाका प्रहरी उपरीक्षक शेखर खनालले बताएका छन् । खनालले भ्यानका चालक प्रहरी हवल्दार सन्तबहादुर थापालाई नियन्त्रणमा लिइ हिरासतमा राखिएको जानकारी दिए।

प्रत्यक्षदर्शीहरुका अनुसार तीब्र गतिमा रहेको मोटरसाइकल प्रहरी भ्यानमा ठोकिएको थियो । दुर्घटनापश्चात मोटरसाइकल उछिनिएपछि पूजाअर्चना गरी फर्किहरेका केही महिलाहरु समेत घाइते भएको प्रत्यक्षदर्शीले बताएका छन् ।

दशैंको चहलपहल बढेयता जनकपुरमा कतिपय युवाहरु तीव्र गतिमा मोटरसाइकल चलाउने क्रम बढेको छ । विशेषतः बिहान र साँझ मन्दिरका साथै सडकमा श्रद्धालुहरुको भिडभाड रहने गरेको भएपनि तीब्र गतिमा मोटरसाइल चलाउनेहरुलाई प्रहरीले कारबाही नगर्दा दुर्घटना हुनेगरेको स्थानीयको भनाइ छ ।
 
प्रतिक्रिया दिनुहोस्