मंगलबार, मंसिर ३, २०७६

समाचार

चाडपर्वलाई लक्षित गरेर जनकपुरमा विशेष सुरक्षा योजना

चाडपर्वलाई लक्षित गरेर धनुषा प्रहरीले विशेष सुरक्षा योजना लागू गरेको छ।

चाडपर्वलाई लक्षित गरेर जनकपुरमा विशेष सुरक्षा योजना
जनकपुरधाम- चाडपर्वलाई लक्षित गरेर धनुषा प्रहरीले विशेष सुरक्षा योजना लागू गरेको छ।

दशैं, तिहार र छठलगायतका पर्वलाई लक्षित गरेर प्रहरीले धनुषामा विशेष सुरक्षा योजना लागू गरेको हो।

चाडपर्वमा शान्ति सुरक्षा सुदृढ बनाई आमनागरिकको जनजीवन सहज र सरल बनाउने उद्देश्यले विशेष सुरक्षा योजना लागू गरिएको धनुषाका प्रहरी उपरीक्षक शेखर खनालले जानकारी दिए।

दशैं, तिहार र छठ पर्वलाई लक्षित गरेर जनकपुर नगर क्षेत्रभित्र ४ सय ८५ जना प्रहरी परिचालन गरिएको उनले बताए।

खनालले संवेदनशील मानिएका विभित्र १२ स्थानमा सादा पोशाकमा प्रहरी टोली परिचालन गर्नुका साथै ५२ वटा गस्ती टोली परिचालन भएको जानकारी दिए। 

यसैगरी कतिपय स्थानलाई प्रहरीले सुरक्षा निगरानीमा राखेको छ। सर्वसाधारणको सम्पत्तिको सुरक्षा, बैंक, वित्तीय संस्थामा हुने लुटपाट नियन्त्रण गर्न सुरक्षा व्यवस्था कडा पारिएको एसपी खनालको भनाइ छ।
प्रतिक्रिया दिनुहोस्