मंगलबार, मंसिर ३, २०७६

समाचार

प्रहरी हिरासतबाट फरार अभियुक्त भारतबाट पक्राउ

सर्लाही प्रहरीको हिरासतबाट फरार भएका एक प्रतिवादीलाई १६ दिनपछि प्रहरीले भारतको पञ्जाब प्रान्तको जलन्धरबाट पक्राउ गरेको छ ।

प्रहरी हिरासतबाट फरार अभियुक्त भारतबाट पक्राउ
सर्लाही- सर्लाही प्रहरीको हिरासतबाट फरार भएका एक प्रतिवादीलाई १६ दिनपछि प्रहरीले भारतको पञ्जाब प्रान्तको जलन्धरबाट पक्राउ गरेको छ ।

लागुऔषध नाइट्राजेपाम–१० लेखिएको १४८ ट्याब्लेटसहित गत भदौ २० गते हरिवन नगरपालिका–११ बाट पक्राउ परेका सोही नगरपालिका–५ निवासी महिन्द्र महतो भदौ २२ गते जिल्ला अदालतबाट म्याद थप गराएर हरिवन लैजाने क्रममा प्रहरीको हिरासतबाट फरार भएको थियो । 

फरार भएका महतोलाई बुधबार भारतको पञ्जाब प्रान्तको जलन्धरबाट पक्राउ गरिएको सर्लाहीका प्रहरी उपरीक्षक गोपाल चन्द्र भट्टराईले जानकारी दिए ।

फरार प्रतिवादी महतोको परिवारिक सदस्यको सहयोगमा र भारतीय प्रहरीको समन्वयमा सादा पोशाकको प्रहरीलाई पञ्जाब पठाएर महतोलाई पक्राउ गरिएको प्रहरी उपरीक्षक भट्टराईले बताए ।   
प्रतिक्रिया दिनुहोस्