शनिबार, फागुन १७, २०७६

z
समाचार

नेकपाले टुंगो लगायो महानगरका अध्यक्ष र सचिव

सत्तारुढ नेपाल कम्युनिस्ट पार्टी (नेकपा) ले देशभरका महानगरपालिकाका अध्यक्ष र सचिवको टुंगो लगाएको छ।

नेकपाले टुंगो लगायो महानगरका अध्यक्ष र सचिव
काठमाडौं- सत्तारुढ नेपाल कम्युनिस्ट पार्टी (नेकपा) ले देशभरका महानगरपालिकाका अध्यक्ष र सचिवको टुंगो लगाएको छ।

पार्टी एकीकरणका बाँकी प्रक्रिया टुंगो लगाउन प्रधानमन्त्री निवास बालुवाटारमा शनिबार बसेको बैठकले देशभरका ६ वटा महानगरका अध्यक्ष र सचिव टुंगो लगाएको हो। 

जसमा काठमाडौं महागरपालिकाको अध्यक्षमा निर्मल देउवा र सचिव रविन्द्र श्रेष्ठ चयन भएका छन्।

त्यस्तै ललितपुरको अध्यक्षमा मञ्जरी कायश्थ र सचिव ज्ञानेन्द्र शाक्य तथा पोखराको अध्यक्षमा दिपक कोइराला सचिव विश्वप्रकाश लामिछाने चयन भएका छन्। 

भरतपुर महानगरको अध्यक्षमा रामप्रसाद न्यौपाने र, सचिव ईश्वर सापकोटा, वीरगञ्जको अध्यक्षमा रहबर अन्सारी र सचिव विश्वम्भर शर्मा तथा विराटनगर महानगरको अध्यक्षमा सागर थापा र सचिवमा हेम कार्की चयन भएका छन्।

नेकपामा पार्टी एकीकरण अन्तर्गत अब पोलिटब्युरो तथा केन्द्रीय सदस्यको कार्यविभाजन लगायतका काम बाँकी छन्।
प्रतिक्रिया दिनुहोस्