आईतबार, मंसिर १, २०७६

समाचार

धरानमा इस्ट टुरिजम मार्ट  

नेपाल पर्यटन बोर्डको वार्षिक क्यालेन्डरमा रहेको इस्ट टुरिजम मार्ट धरानमा शनिबारबाट सुरु भएको छ।

धरानमा इस्ट टुरिजम मार्ट  
इटहरी – नेपाल पर्यटन बोर्डको वार्षिक क्यालेन्डरमा रहेको इस्ट टुरिजम मार्ट धरानमा शनिबारबाट सुरु भएको छ। प्रदेश १ को पर्यटकीय सहर धरानमा मार्टको यो दोश्रो संस्करण हो। गतवर्ष जेठ २४ देखि तीन दिन भएको मार्ट यो वर्ष असोजमा गरिएको इस्ट टुरिजम मार्ट कार्यक्रमका अध्यक्ष भविश श्रेष्ठले बताए।

धरान ६ को सिद्धि नेवाः परिषद्मा हुने कार्यक्रममा नेपाल, भारत, भुटानका सयौं पर्यटनकर्मीको सहभागिता रहने मार्टका कोषाध्यक्ष बासुदेव बरालले बताए। बरालकाअनुसार भुटानबाट ११ जना, भारतबाट १ सय जना र नेपालबाट गरेर साढे दुई सय बढीको सहभागिता रहने भएको छ।

मार्टको लागत ४६ लाख हाराहारीमा हुने आयोजकले जानकारी दिएको छ। ‘सहभागी बनौं अवलोकन गरौँ’ भन्ने नाराका साथ आयोजना भएको मार्टको उद्घाटन प्रदेश १ का मुख्यमन्त्री शेरधन राईले शनिबार दिउँसो २ बजे गर्ने आयोजकले बताएको छ। 

६० वटा स्टलहरु रहने मार्टमा विभिन्न ट्राभल प्याकेजहरुको खरिद बिक्रि पनि हुने अध्यक्ष भविश श्रेष्ठले बताए। उनले भने, ‘यो मार्ट भनेको घुम्न र हेर्न मात्रै हैन कारोबारको लागि पनि हो।’
प्रतिक्रिया दिनुहोस्