बुधबार, कात्तिक २७, २०७६

समाचार

हिजरी संवत्‌मा रक्तदान 

मुस्लिम समुदायको १४४१ औं नयाँ वर्षको अवसरमा रुपन्देहीमा ७० जनाले रक्तदान गरेका छन्। 

हिजरी संवत्‌मा रक्तदान 
भैरहवा – मुस्लिम समुदायको १४४१ औं नयाँ वर्षको अवसरमा रुपन्देहीमा ७० जनाले रक्तदान गरेका छन्। 

बुटवलस्थित रजा–ए मुस्तफा मस्जिद समितिको आयोजनामा सम्पन्न कार्यक्रममा ७० युनिट रगत संकलन भएको मस्जिद समितिका अध्यक्ष हाजी मकबुल मियाँले बताए। 

सो अवसरमा पूर्वमन्त्रीसमेत रहेका नेपाली कांग्रेस रुपन्देही सभापति अव्दुल रज्जाकले सबै धर्म र समुदायबीच एकता र सद्भाव दर्शाउन यस्ता कार्यक्रमले महत्वपूर्ण भूमिका खेल्ने बताए।

कार्यक्रममा समितिका वरिष्ठ उपाध्यक्ष हाजी रहमद खाँन, सचिव अब्दुल सहमद, मदिना मदरसा मस्जिद प्रवन्ध परिषद्का अध्यक्ष सक्कुर मियालगायतले सामाजिक र धार्मिक सद्भाव नै आजको आवश्यकता भएको बताए।

सो अवसरमा मस्जिद समितिले अस्पतालका बिरामीहरुलाई फलफूल वितरण, अनाथ बालबालिकाहरुलाई खाद्यान्न र लत्ता कपडा वितरण जस्ता सामाजिक कार्य गरेको थियो।
प्रतिक्रिया दिनुहोस्