बुधबार, कात्तिक २७, २०७६

समाचार

कुनाथरी-बेनीघाट सडकको डीपीआर बन्दै

सुर्खेतको कुनाथरी-बेनीघाट सडक खण्डको डीपीआर निर्माण सुरु भएको छ। कुनाथरी बजारदेखि बेनीघाटसम्म ९४ किलो मिटर लामो सडकको लागि डीपीआर आइतबारदेखि सुरु भएको हो।

कुनाथरी-बेनीघाट सडकको डीपीआर बन्दै
सुर्खेत- सुर्खेतको कुनाथरी-बेनीघाट सडक खण्डको डीपीआर निर्माण सुरु भएको छ। कुनाथरी बजारदेखि बेनीघाटसम्म ९४ किलो मिटर लामो सडकको लागि डीपीआर आइतबारदेखि सुरु भएको हो।

बड्डीचौरलाई शुन्य केन्द्रबिन्दुमा राखेर प्रारम्भिक सर्भे गरिएको छ।

ट्र्याक खुलेको करिव तीन दशकपछि सडकको स्तरोन्नती हुन थालेको छ। सडकको स्तरोन्नती पश्चिम सुर्खेतका कुनाथरी, तरंगा, पोखरीकाँडा, सालकोट, बाबियाचौर, विद्यापुर, तातापानी, घाटगाउँ, गुटु, बिजौरा, लगाम, बेतान लगायत गाउँहरु वीरेन्द्रनगरसँग जोडिने छन्।

सडकको स्तरोन्नति नहुँदा त्यस क्षेत्रका स्थानीयले हिउँद बर्खामा सास्ती खेप्दै आएका थिए। डीपीआर निर्माण थालिएसँगै यात्राका लागि सहज हुने अपेक्षा गरिएको चौकुने-८ का स्थानीय भोजराज थापाले बताए।

डीपीआर निर्माण भएलगत्तै स्तरोन्नतीको काम थालिने डिभिजन कार्यालय सुर्खेतका प्रमुख गुरु अधिकारी बताउँछन्।

उनका अनुसार स्तरोन्नतीपछि सडकको चौडाई ५० मिटर बनाइनेछ। डीपीआर तयार भएपछि चैतसम्म फाईनल ठेक्काको सुरु हुने सडक डिभिजन कार्यालयको भनाइ छ।

यसैबीच डीपीआर तयारीका लागि बड्डीचौर पुगेको टोलीलाई स्थानीयले फूलमाला सहित स्वागत गरेका छन्। ५१ सालदेखि स्तरोन्नतीका लागि नभएको केन्द्रीय योजनामा परे नपरेको सडक खण्डको डीपीआर तयार गर्न थालेको टोलीलाई स्थानीयले स्वागत गरेका हुन्।

सरकारले केन्द्रीय योजनाअन्तर्गत सुर्खेतको बड्डीचौरदेखि डोटीको बोक्टासम्म मदन भण्डारी राजमार्गको रुपमा अगाडि बढाएको छ। सडक स्तरोन्नती भएपछि सुर्खेतको पश्चिम क्षेत्र र सुदूरपश्चिमको डोटी जिल्लालाई सदरमुकाम वीरेन्द्रनगरसँग जोडिनेछ।
प्रतिक्रिया दिनुहोस्