आइतबार, माघ १२, २०७६

z
समाचार

संविधानको विरोधमा जनजाति महासंघको तीन महिने आन्दोलन 

आदिवासी जनजाति महासंघले संविधान दिवसलाई कालो दिवसको रुपमा मनाउने निर्णय गरेको छ।

संविधानको विरोधमा जनजाति महासंघको तीन महिने आन्दोलन 
काठमाडौं- आदिवासी जनजाति महासंघले संविधान दिवसलाई कालो दिवसको रुपमा मनाउने निर्णय गरेको छ।

आदिवासी जनजाति, मधेशी, दलितसँग सम्बन्धीत संघ–संस्थाहरुले संयुक्त रुपमा असोज ३ गतेको संविधान दिवसलाई कालो दिवसका रुपमा मनाउने भएको छ।

महासंघले औपचारिक रुपमै निर्णय गरी असोज ३ गतेलाई कालो दिवसका रुपमा मनाउने निर्णय गरेको महासंघका अध्यक्ष जगत बरामले जनाएका छन्।

बरामका अनुसार संविधान दिवसको विरोधमा विभिन्न कार्यक्रमको घोषणासमेत गरिएको छ।

‘असोज ३ लाई केन्द्रीत गरेर हामीले विरोधका कार्यक्रम सार्वजनिक गर्दै छौं।’ बरामले भने,‘संविधानमा हाम्रो असन्तुष्टि कायमै छ। संविधान संशोधन नभएसम्म हामीले संविधान दिवस मनाउँदैनौं।’

बरामका अनुसार संविधान संशोधनका लागि दबाब स्वरुप तीन महिने आन्दोलनका कार्यक्रम पनि घोषणा गरिदैछ।

यता सरकारले संविधान दिवसलाई भव्य रुपमा मनाउने तयारी गरेको छ।
प्रतिक्रिया दिनुहोस्