बुधबार, कात्तिक २७, २०७६

समाचार

गौहत्या प्रकरण : प्रहरी निरीक्षक र ट्रान्सपोर्टका सञ्चालक पक्राउ

सुर्खेतमा भएको गौहत्या प्रकरणमा थप दुई जना पक्राउ परेका छन्।

गौहत्या प्रकरण : प्रहरी निरीक्षक र ट्रान्सपोर्टका सञ्चालक पक्राउ
सुर्खेत - सुर्खेतमा भएको गौहत्या प्रकरणमा थप दुई जना पक्राउ परेका छन्। जिल्ला प्रहरी कार्यालय सुर्खेतका एसपी वसन्त राजौरेका अनुसार छानविनका लागि नेपालगञ्ज नगर प्रहरी कार्यालयका प्रहरी निरीक्षक सूर्य बोगटी र चितवन ट्रान्सपोर्टका सञ्चालक विकी भनिने सत्रिप्तसिंह श्रेष्ठलाई पक्राउ गरिएको हो।

बोगटी र श्रेष्ठलाई बाँके प्रहरीको समन्वयमा सुर्खेत प्रहरीको टोली पक्राउ गरेको हो। पक्राउ परेका दुबैलाई म्याद थप गरी छानविन थालिएको प्रहरीले बताएको छ। यस अघि ट्रक चालक र सहचालक गरी ८ जना प्रक्राउ परेका थिए। उनीहरुमाथि एक हप्ताको म्याद थप गरी प्रहरीले छानविन गरिरहेको छ।

दैलेखको श्रीस्थान लैजाने भन्दै नेपालगञ्ज उपमहानगरपालिकाबाट ल्याइएका २ सय ९१ मध्ये ३५ वटा गाइगोरुको सुर्खेतमा मृत्यु भएको थियो । घटनाको छानविनको लागि ४ वटा समितिहरु गठन गरिएका छन् ।
प्रतिक्रिया दिनुहोस्