शुक्रबार, मंसिर ६, २०७६

समाचार

करतारपुर कोरिडोरबारे भारत-पाक वार्ता हुँदै

जम्मू-कश्मीरलाई विशेष राज्यको दर्जा दिने भारतीय संविधानको धारा ३७० का निश्चित दफाहरु खारेज भएपछि भारत-पाकिस्तान सम्बन्धबीचको तनाव झन् बढेको छ ।

 करतारपुर कोरिडोरबारे भारत-पाक वार्ता हुँदै
जम्मू-कश्मीरलाई विशेष राज्यको दर्जा दिने भारतीय संविधानको धारा ३७० का निश्चित दफाहरु खारेज भएपछि भारत-पाकिस्तान सम्बन्धबीचको तनाव झन् बढेको छ ।

यही तनावकै बीच पनि केही विषयहरुमा भने भारत पाकिस्तान छलफल भइरहेका छन् ।  

भारत र पाकिस्तनाका शिख धर्मालम्बीहरुलाई एक अर्काको देशमा रहेका धर्मस्थलहरुमा बेरोकटोक प्रवेश सहज बनाउने मार्ग करतारपुर कोरिडोर खुला गर्ने विषयमा आज भारत र पाकिस्तानबीच छलफल हुने भएको हो । 

प्रस्तावित अन्तरदेशीय मार्ग  करतारपुर करिडोरले भारतको पंजाब राज्यमा रहेको डेरा बाबा नानक शाहीब तीर्थस्थलबाट पाकिस्तानको पंजाब राज्यमा रहेको गुरुद्वारा दरबार शाहीब करतारपुरलाई जोड्छ । 

४.७ किलोमिटर दुरीको यो मार्गबाट धार्मिक स्थल दर्शनका लागि जाँदा आउँदा भिसा समेत नलाग्ने व्यवस्थाका लागि छलफल हुन लागेको हो । 

यो कोरिडोर पहिलो पटक सन १९९९ मा पाकिस्तान र भारतका प्रधानमन्त्रीहरु नावाज शरिफ र अटल बिहारी वाजपेयीद्वारा प्रस्तावित गरिएको थियो । 

यो मार्गको परिचालनका लागि दुई देशका उच्च अधिकारीहरुका बिच भारतको अटारीमा छलफल हुन लागेको हो । 

वार्ताका क्रममा दुबै देशका प्रतिनिधिहरुले करतारपुर कोरिडोर सञ्चालनका लागि एक प्रारम्भिक मस्यौदामा छलफल गरी विद्यमान केही असमझदारीहरु हटाउने कोसिस गर्ने छन । 

सन १९४७ मा बेलायतले दक्षिण एसियाबाट आफ्नो उपनिवेश त्यागेर जानेक्रममा भारत, पाकिस्तान, श्रीलंका, बर्मा लगायतका देशहरु स्वतन्त्र भएका थिए ।
प्रतिक्रिया दिनुहोस्