बुधबार, कात्तिक २७, २०७६

समाचार

पाल्पामा मनाईयो भगवती जात्रा

अंग्रेज फौजलाई हराएको खुसीमा पाल्पाको तानसेनमा मनाईने रणउजिरेश्वरी भगवती जात्रा शनिबार धुमधामका साथ मनाइएको छ।

पाल्पामा मनाईयो भगवती जात्रा
भैरहवा- अंग्रेज फौजलाई हराएको खुसीमा पाल्पाको तानसेनमा मनाईने रणउजिरेश्वरी भगवती जात्रा शनिबार धुमधामका साथ मनाइएको छ।

जितगढी युद्धमा नेपाली फौजले अंग्रेज फौजमाथि बिजय प्राप्त गरेको दिनको खुसीयालीमा वि.सं. १८७६ देखि भगवती जात्रा  मनाउन थालिएको हो।

कर्णेल उजीर सिंह थापाको नेतृत्वको नेपाली सेनाले अंग्रेजलाई हराएको सम्झनामा यो जात्रा मनाउने गरिएको छ।

वीरताको प्रतिकको रुपमा रहेको रणउजीरेश्वरी भगवतीको रथयात्रालाई बिजय उत्सब र अबिर जात्राको रुपमा मनाउने गरिन्छ।

जात्रामा सहभागी हुन भैरहवादेखि पाल्पा पुगेका इतिहासकार बिजय सागरका अनुसार सेन कालमा तानसेनमा सानो भगवती मन्दिर थियो। पछि सेनलाई जितेर शाहहरु आए। त्यतिबेला भीमसेन थापा प्रधानमन्त्री थिए। 

उजीर सिंहले वि.सं. १८७२ सालमा भगवतीलाई भाकल गरेर युद्ध जिताईदिएमा प्रत्येक वर्ष अबिर जात्रा गर्ने कबुल गरे। सोहीअनुसार उनले १८७२ सालदेखि भगवतीको मन्दिर बनाउन पनि शुरु गरे। 

पछि १८७६ सालमा उजीरसिंहको कमाण्डले अंग्रेज फौजलाइ युद्धमा हरायो। त्यसपछि तानसेनमा युद्ध जितेको खुसीयालीमा जात्रा भयो। जुन अहिलेसम्म पनि विद्यमान छ। 

जात्राको अवसरमा गएराति अष्ठमीको दिन परम्पराअनुसार पञ्चबली दिइएको छ भने बिहान बन्दुक पड्काएर जात्राको शुरुवात गरिएयो।

जात्रामा प्रधानसेनापति पुर्णचन्द्र थापा, पूर्वमन्त्री सोमप्रसाद पाण्डे, प्रदेश सांसदहरु वीरबहादुर राना, तुलबहादुर घर्ती, तानसेन नगरप्रमुख अशोक शाहीलगायत दशौँ हजार मानिसको सहभागिता थियो। 


तस्वीर सौजन्य : सन्तोष बस्याल/पाल्पा
प्रतिक्रिया दिनुहोस्